У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

4 Лют 2016

Беларусь і Малдова будуць нарошчваць аб'ёмы ўзаемнага гандлю шляхам стварэння вялікай колькасці СП

4 лютага, Кішынёў /Андрэй Гусін - БЕЛТА/. Беларусь і Малдова выступаюць за нарошчванне аб'ёмаў узаемнага гандлю шляхам стварэння як мага большай колькасці сумесных прадпрыемстваў. Аб гэтым заявілі саветнік па гандлёва-эканамічных пытаннях пасольства Беларусі ў Малдове Андрэй Кароль і віцэ-старшыня Гандлёва-прамысловай палаты Малдовы Уладзімір Дзідзіліка, выступаючы на бізнес-форуме "Малдова-Беларусь", арганізаваным у час Нацыянальнай выстаўкі "Выраблена ў Малдове", перадае карэспандэнт БЕЛТА.

Андрэй Кароль адзначыў, што эканомікі Беларусі і Малдовы ўзаемадапаўняльныя. Калі ў Беларусі вырабляюцца ў асноўным прамысловыя, тэхнічныя тавары, то Малдова пастаўляе сельгаспрадукцыю. Аднак ён падкрэсліў, што малдаўскім прадпрыемствам мала вырабляць прадукты - іх трэба рэалізоўваць. Для гэтага беларускі бок прапануе выкарыстоўваць свае лагістычныя цэнтры. Бакі падкрэслілі неабходнасць нарошчвання супрацоўніцтва ў самых розных галінах, улічваючы той факт, што тавараабарот паміж краінамі ў мінулым годзе скараціўся.

Уладзімір Дзідзіліка адзначыў, што Беларусь - традыцыйны партнёр Малдовы, таму краіны павінны перайсці на новыя лічбы па тавараабароце, што магчыма толькі пры ўзаемным даверы і інтарэсе.

Андрэй Кароль паведаміў аб жаданні і прапанове беларускага боку ў ліку іншага мадэрнізаваць малочную вытворчасць у Малдове, прыняць удзел у працэсе замены ліфтаў, у праектах па энергаэфектыўнасці.

Начальнік аддзела знешнеэканамічнага супрацоўніцтва Мінскага аддзялення БелГПП Алена Азарава адзначыла, што беларускі бок цэніць даўгачасовае супрацоўніцтва паміж гандлёвымі палатамі дзвюх краін. Яна падкрэсліла, што выстаўка "Зроблена ў Малдове" - выдатная магчымасць азнаёміцца з патэнцыялам краіны. "У час экспазіцыі адбыліся сустрэчы з прадпрыемствамі Малдовы і былі намечаны шляхі, па якіх можна наладзіць новыя супрацоўніцтвы", - паведаміла Алена Азарава.

На форуме былі прадстаўлены дзевяць беларускіх прадпрыемстваў, якія прадстаўляюць шырокі спектр вытворчасці - ад мукамольнай прадукцыі да оптыка-механічнага абсталявання. Як адзначыла Алена Азарава, кампаніі прыбылі ў Малдову з канкрэтнымі прапановамі і гатоўнасцю да супрацоўніцтва з малдаўскімі калегамі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску