У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

17 Чэр 2015

Беларусь і Ленінградская вобласць распрацуюць новую дарожную карту супрацоўніцтва

18 чэрвеня, Масква /Эдуард Півавар - БЕЛТА/. Сустрэча Надзвычайнага і Паўнамоцнага Пасла Беларусі ў Расіі Ігара Петрышэнкі з віцэ-губернатарам Ленінградскай вобласці - старшынёй камітэта па аграпрамысловым і рыбагаспадарчым комплексе Сяргеем Яхнюком і віцэ-губернатарам Ленінградскай вобласці па жыллёва-камунальнай гаспадарцы і паліўна-энергетычным комплексе Юрыем Пахомаўскім адбылася 17 чэрвеня ў Санкт-Пецярбургу. Аб гэтым БЕЛТА паведамілі ў прэс-службе пасольства.

"Бакі адзначылі паспяховую рэалізацыю праграмы гандлёва-эканамічнага, навукова-тэхнічнага і гуманітарнага супрацоўніцтва паміж урадам Ленінградскай вобласці і ўрадам Беларусі на 2013-2015 гады, - адзначылі ў прэс-службе. - З улікам завяршэння гэтай праграмы была падкрэслена неабходнасць распрацоўкі новай дарожнай карты супрацоўніцтва, якую плануецца падпісаць у час візіту кіраўніцтва Ленінградскай вобласці ў Беларусь восенню 2015 года".

Асобнай тэмай абмеркавання сталі пытанні пастаўкі сельскагаспадарчай, жыллёва-камунальнай і пасажырскай тэхнікі беларускай вытворчасці. Ігар Петрышэнка адзначыў таксама зацікаўленасць беларускага боку ў пашырэнні паставак прадуктаў і абнаўленні ліфтавай гаспадаркі рэгіёна.

Віцэ-губернатар Ленінградскай вобласці Юрый Пахомаўскі запрасіў Беларусь прыняць удзел у Міжнароднай аграпрамысловай выстаўцы-кірмашы "Аграрусь-2015", якая пройдзе з 22 па 30 жніўня. Акрамя таго, бакі абмеркавалі ўдзел Беларусі і Ленінградскай вобласці ў Другім форуме рэгіёнаў Беларусі і Расіі, які пройдзе ў Вялікім Ноўгарадзе ў верасні 2015 года.

Ленінградская вобласць - адзін з найбуйнейшых гандлёва-эканамічных партнёраў Беларусі сярод рэгіёнаў Расіі. Агульны тавараабарот у 2014 годзе склаў $518,7 млн, беларускі экспарт - $246,9 млн, імпарт - $271,8 млн. Аснова экспарту - нафтапрадукты, мяса дамашняй птушкі, сінтэтычныя валокны, імпарту - легкавыя аўтамабілі, мінеральныя ўгнаенні, тытунь і яго заменнікі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску