Бізнес-навіны

Беларусь і кітайская Sinotrans Limited вызначылі вектары ўзаемадзеяння па экспарце лагістычных паслуг

Фота з архiва

3 лютага, Мінск /Аліна Грышкевіч - БЕЛТА/. Надзвычайны і Паўнамоцны Пасол Беларусі ў КНР Юрый Сянько сустрэўся са старшынёй праўлення кампаніі Sinotrans Limited спадаром Лі Гуанпэнам. Аб гэтым карэспандэнту БЕЛТА расказалі ў беларускай дыпламатычнай місіі ў Кітаі.

На перагаворах былі дэталёва разгледжаны актуальныя пытанні двухбаковага ўзаемадзеяння, уключаючы развіццё міжнароднага чыгуначнага тэрмінала ў Кітайска-беларускім індустрыяльным парку "Вялікі камень" і супрацоўніцтва ў арганізацыі кантэйнерных перавозак Кітай - Еўропа праз Беларусь.

Пасол выказаў асаблівую ўдзячнасць кампаніі за ўсялякае садзейнічанне ў лагістычным абслугоўванні адпраўкі медыцынскіх гуманітарных грузаў з Кітая ў Беларусь. Бакі вызначылі далейшыя напрамкі ўзаемадзеяння для стымулявання інвестыцыйнай актыўнасці і развіцця экспарту лагістычных паслуг.

Sinotrans Limited заснавана 20 лістапада 2002 года, адкрыла лістынг на Ганконгскай фондавай біржы ў 2003 годзе. Даччынае прадпрыемства і адзіная лагістычная платформа China Merchants Group. У 2015 годзе Sinotrans Limited стала першай кітайскай кампаніяй, выбранай прэзідэнтам Міжнароднай арганізацыі нацыянальных экспедытарскіх асацыяцый (Federation Internationale des Associations de Transitaires et Аssimiles).

версія для друку

зрабіць стартавай

дабавіць у выбранае