Еўрапейскія гульні-2019 у Мінску
Афіцыйны сайт Рэспублікі Беларусь
Свята Купалле
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

21 Лют 2019

Беларусь і Кітай вядуць перагаворы па сумеснай вытворчасці электрамабіляў

Беларусь і Кітай вядуць перагаворы па сумеснай вытворчасці электрамабіляў

21 лютага, Мінск /Кар. БЕЛТА/. Беларусь і Кітай вядуць перагаворы па сумеснай вытворчасці электрамабіляў, паведаміў журналістам міністр прамысловасці Павел Уцюпін на пасяджэнні калегіі міністэрства, перадае карэспандэнт БЕЛТА.

"Вядзём перагаворы з кітайскімі партнёрамі па электрамабілях, пакуль яны не завершаны. На пабудаваным ужо заводзе "БЕЛДЖЫ" арганізавана зварка, зборка, фарбаванне, усё гэта дае магчымасць у будучым рэалізаваць патэнцыял аўтамабілебудавання", - адзначыў Павел Уцюпін.

У бягучым годзе будуць прапрацоўвацца варыянты выхаду арганізацый Мінпрама на рынак Афрыкі. Як удакладніў міністр, пры эканамічнай мэтазгоднасці будуць адкрывацца сумесныя вытворчасці, але не выключана, што ў некаторыя краіны будзе больш выгадна пастаўляць ужо гатовую тэхніку. Напрыклад, у Судане да канца бягучага года ставіцца задача стварыць вытворчасць трактароў BELARUS.

Экспарт тавараў арганізацый Мінпрама ў 2018 годзе склаў больш за $4,6 млрд, тэмп росту - 111 працэнтаў да 2017-га. Сальда знешняга гандлю таварамі склалася дадатнае ў памеры $2 млрд. Экспартныя пастаўкі ў краіны далёкага замежжа выраслі на 22,8 працэнта ў параўнанні з 2017-м. У Еўрасоюз экспарт вырас на 34,3 працэнта да $948 млн.

Паводле слоў Павла Уцюпіна, у цэлым у 2018 годзе прадукцыя экспартавалася ў 117 краін. Вяліся пастаўкі ў 19 краін, куды ў 2017 годзе прадукцыя арганізацый Мінпрама не экспартавалася.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс