Бізнес-навіны

Беларусь і Кітай пашыраць супрацоўніцтва ў рэалізацыі стратэгічных праектаў

Фота Мінэканомікі

8 мая, Мінск /Кар. БЕЛТА/. Беларусь і Кітай дамовіліся аб пашырэнні супрацоўніцтва ў рэалізацыі стратэгічных праектаў. Аб гэтым паведамілі БЕЛТА ў прэс-службе Мінэканомікі па выніках перагавораў міністра эканомікі Юрыя Чабатара ў Пекіне са старшынёй Дзяржаўнага агенцтва міжнароднага развіцця і супрацоўніцтва КНР Чэнь Сяадунам.

Бакі абмеркавалі развіццё бягучых праектаў, што рэалізуюцца ў Беларусі з прыцягненнем крэдытных рэсурсаў і тэхніка-эканамічнай дапамогі КНР, вызначылі новыя напрамкі супрацоўніцтва на бліжэйшую перспектыву.

Сярод ключавых дамоўленасцей - распрацоўка і ўзгадненне ў гэтым годзе дарожнай карты супрацоўніцтва да 2030 года ў мэтах паглыблення практычнага ўзаемадзеяння, умацавання тэхналагічнай і вытворчай кааперацыі.

версія для друку

зрабіць стартавай

дабавіць у выбранае