У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

10 Май 2015

Беларусь і Кітай падпісалі пяцігадовы мемарандум аб супрацоўніцтве ў пастаўках калійных угнаенняў

10 мая, Мінск /Кар. БЕЛТА/. Мемарандум аб узаемаразуменні паміж ААТ "Беларуская калійная кампанія" і кампаніяй "Сінахем" аб супрацоўніцтве ў пытаннях паставак беларускіх калійных угнаенняў падпісаны ў Мінску, перадае карэспандэнт БЕЛТА.

З беларускага боку дакумент падпісала генеральны дырэктар БКК Алена Кудравец, з кітайскага - гендырэктар "Сінахем" Лю Дэшу.

Як паведамлялася, сёння на сустрэчы са старшынёй савета дырэктараў "Сінахем Груп" Лю Дэшу прэм'ер-міністр Беларусі Андрэй Кабякоў заявіў аб зацікаўленасці Беларусі ва ўдзеле кітайскай кампаніі "Сінахем" у рэалізацыі інвестыцыйных праектаў на прадпрыемствах нафтахімічнай галіны, а таксама ў сустрэчных пастаўках сыравіны, што вырабляецца "Сінахем", і прадукцыі беларускіх арганізацый.

"Сінахем" у асобе даччынай кампаніі "Сінаферт" з'яўляецца адным з асноўных пакупнікоў беларускіх калійных угнаенняў і супрацоўнічае з Беларускай калійнай кампаніяй з моманту яе заснавання.

"Мемарандум падпісваецца з буйным вытворцам хлорыстага калію ў Кітаі, мае самы працяглы перыяд дзеяння, 5 гадоў, і прадугледжвае самы вялікі аб'ём пастаўкі. Спадзяюся, што візіт у нашу краіну надасць дадатковы імпульс узаемавыгадным беларуска-кітайскім гандлёва-эканамічным адносінам, якія развіваюцца, - сказаў кіраўнік урада на сустрэчы з кіраўніцтвам кампаніі. - Падпісанне гэтага мемарандума з'яўляецца выхадам на якасна новы ўзровень у практыцы заключэння доўгатэрміновых пагадненняў з кітайскімі кампаніямі".

Група кампаній "Сінахем" - буйны трэйдар нафтахімічнай і хімічнай прадукцыі ў Кітаі. У сферу дзейнасці кампаніі ўваходзіць нафтаперапрацоўка, нафтаздабыча, вытворчасць і перапрацоўка каўчукоў, вытворчасць рознай хімічнай прадукцыі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску