У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

6 Чэр 2017

Беларусь і краіны Афрыкі плануюць нарасціць тавараабарот да $3 млрд да 2020 года

 6 чэрвеня, Мінск /Кар. БЕЛТА/. Беларусь і краіны Афрыкі плануюць нарасціць тавараабарот да $3 млрд да 2020 года, паведаміў сёння журналістам старшыня праўлення Афрыканскага экспартна-імпартнага банка Бенядзікт Арама перад пачаткам першага беларуска-афрыканскага форуму "Беларусь і Афрыка: новыя гарызонты", перадае карэспандэнт БЕЛТА.

"Мы ставім перад сабой амбіцыйную задачу па павелічэнні тавараабароту паміж Беларуссю і краінамі Афрыкі да $3 млрд да 2020 года", - падкрэсліў ён.

Бенядзікт Арама адзначыў, што цікавасць да ўдзелу ў першым беларуска-афрыканскім форуме праявіла вялікая колькасць прадстаўнікоў улады і бізнесу з афрыканскіх краін. "У складзе дэлегацыі і прадстаўнікі дзяржаўных органаў, некалькі міністраў краін Афрыкі, прадстаўнікі дзелавых колаў, бізнесу, банкаўскіх колаў (некалькі кіраўнікоў буйных банкаў). Мы бачым сур'ёзны інтарэс", - растлумачыў ён.

Гаворачы аб асноўных сферах супрацоўніцтва, старшыня праўлення Афрэксімбанка звярнуў увагу, што афрыканскі бок у першую чаргу бачыць патэнцыял супрацоўніцтва ў сферы развіцця інфраструктуры і сельскай гаспадаркі. "Нам вельмі цікава ваша тэхніка - кар'ерная, сельскагаспадарчая, грузавыя аўтамабілі, аўтобусы. Мы спадзяёмся, што і ў Беларусі будзе інтарэс. Афрыка з'яўляецца сур'ёзнай крыніцай некаторых сыравінных матэрыялаў, прадукцыі сельскай гаспадаркі - какавы, напрыклад. Таксама мы бачым пэўныя перспектывы ва ўзаемным інвесціраванні нашых рэгіёнаў", - канстатаваў ён.

У перыяд правядзення Беларускага аграпрамысловага тыдня "Белагра-2017" 6-7 чэрвеня праходзіць першы беларуска-афрыканскі форум з удзелам ААТ "Банк развіцця Рэспублікі Беларусь" і Афрыканскага экспартна-імпартнага банка. Мерапрыемства праводзіцца з акцэнтам на пашырэнне магчымасцей супрацоўніцтва ў сельскагаспадарчай і прамысловай сферах. Колькасць зарэгістраваных удзельнікаў з краін Афрыкі - больш за 70 чалавек, уключаючы міністраў сельскай гаспадаркі Анголы, Намібіі і Уганды, міністра прамысловасці Анголы, міністра фінансаў Тога, кіраўніцтва Афрыканскага экспартна-імпартнага банка, іншых банкаўскіх структур Афрыкі, прэзідэнта Нацыянальнага саюза афрыканскіх фермераў, прадстаўнікоў буйнейшых кампаній краін Афрыкі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску