Бізнес-навіны

Беларусь і Кенія маюць намер развіваць міжрэгіянальнае супрацоўніцтва ў сельскай гаспадарцы

Фота з архiва

25 жніўня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Рэспубліцы Кенія Павел Узяткін 25 жніўня наведаў акругу Ньяндаруа. Аб гэтым паведамілі карэспандэнту БЕЛТА ў беларускай загранустанове ў Кеніі.

Кіраўнік беларускай дыпламатычнай місіі прыняў удзел у цырымоніі ўступлення на пасаду губернатара акругі Мозеса Кіярэ Бадзіліша. У рамках мерапрыемства адбылася сустрэча пасла Беларусі з кіраўнікамі гэтага рэгіёна.

Асноўную ўвагу бакі ўдзялілі развіццю рэгіянальнага эканамічнага супрацоўніцтва Беларусі з Кеніяй з акцэнтам на выкарыстанні магчымасцей узаемадзеяння ў галіне сельскай гаспадаркі.

Акрамя таго, былі праведзены сустрэчы беларускага дыпламата з прадстаўнікамі бізнес-супольнасці акругі Ньяндаруа.

Дыпламатычныя адносіны паміж Рэспублікай Беларусь і Рэспублікай Кенія ўстаноўлены 17 лістапада 1993 года. Дагаворна-прававая база двухбаковага супрацоўніцтва знаходзіцца ў стадыі фарміравання. 15 ліпеня 2021 года было падпісана Пагадненне аб супрацоўніцтве паміж Беларускай гандлёва-прамысловай палатай і Кенійскай нацыянальнай гандлёва-прамысловай палатай. Вядзецца работа па падрыхтоўцы да падпісання шэрага іншых нарматыўна-прававых дакументаў.

версія для друку

зрабіць стартавай

дабавіць у выбранае