Бізнес-навіны

Беларусь і Казахстан плануюць павялічыць турпатокі з адкрыццём рэйса Алматы-Мінск

Фота з архiва

16 ліпеня, Мінск /Кар. БЕЛТА/. Беларусь і Казахстан плануюць пашырыць турыстычны абмен паміж краінамі. Аб гэтым БЕЛТА паведамілі ў Нацыянальным агенцтве па турызме.

Гэта пытанне абмяркоўвалася ў Міністэрстве спорту і турызму з прадстаўнікамі турыстычнай сферы Беларусі і казахстанскай авіякампаніі SCAT. Авіяперавозчык з 10 жніўня запускае прамы рэйс Алматы - Мінск - Алматы, адкрываючы новыя магчымасці для падарожнікаў.

На думку ўдзельнікаў сустрэчы, гэта падзея стане значным стымулам для павелічэння турыстычнага патоку.

Бакі дамовіліся аб інфармацыйным і маркетынгавым абмене, што дазволіць больш эфектыўна папулярызаваць турыстычныя напрамкі Беларусі і Казахстана сярод грамадзян абедзвюх краін, прадстаўляць турыстычныя прадукты і паслугі на профільных выстаўках і мерапрыемствах, а таксама дзяліцца вопытам у сферы развіцця турызму.

версія для друку

зрабіць стартавай

дабавіць у выбранае