У Беларусь без візы на 30 дзён
Афіцыйны сайт Рэспублікі Беларусь
Свята Купалле
Бізнес
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

5 Ліп 2019

Беларусь і Казахстан па выніках года могуць выйсці на тавараабарот $1 млрд

Беларусь і Казахстан па выніках года могуць выйсці на тавараабарот $1 млрд

5 ліпеня, Мінск /Кар. БЕЛТА/. Беларусь і Казахстан па выніках 2019 года могуць выйсці на тавараабарот $1 млрд. Аб гэтым ішла сёння размова ў час беларуска-казахстанскага дзелавога савета, перадае карэспандэнт БЕЛТА.

"Адносіны Беларусі з Казахстанам развіваюцца вельмі дынамічна і пазітыўна. У Казахстане працуюць 40 нашых суб'ектаў тавараправоднай сеткі і 256 прадпрыемстваў з беларускім удзелам, 49 прадпрыемстваў з казахстанскім капіталам працуюць у нашай краіне. Тавараабарот падрастае пастаянна, мы блізкія да таго, каб выйсці на $1 млрд", - паведаміў сёння журналістам старшыня БелГПП Уладзімір Улаховіч. У 2018 годзе тавараабарот перасягнуў $890 млн, сальда склалася дадатным для Беларусі.

Беларуска-казахстанскае супрацоўніцтва наладжана ў адпаведнасці з дарожнай картай, беларускі бок аказвае дапамогу ў маштабных праектах, напрыклад, у праграме індустрыялізацыі Казахстана. Акрамя таго, развіваецца ўзаемадзеянне на пляцоўцы Еўразійскага эканамічнага саюза.

Паводле яго слоў, сёння на пасяджэнні дзелавога савета абмяркуюць развіццё прамысловай кааперацыі, гандлёвых сувязей, пытанні лагістыкі з улікам удзелу дзвюх краін у ініцыятыве "Пояс і шлях".

Адказваючы на пытанне аб перспектывах пастаўкі казахстанскай нафты і газу ў Беларусь, Уладзімір Улаховіч адзначыў, што гэта сур'ёзнае пытанне, вырашэнне якога патрабуе прапрацоўкі і выбудоўвання лагістыкі. "Гэта вялікая сур'ёзная перспектыва, Казахстан - багацейшая ў плане рэсурсаў краіна", - дадаў ён.

Пасол Казахстана ў Беларусі Ермухамет Ертысбаеў расказаў, што двухбаковы тавараабарот у I квартале 2019 года склаў $ 257 млн. Паводле яго слоў, беларуская прадукцыя шырока прадстаўлена на казахстанскім рынку, і Казахстан таксама мае намер сур'ёзна пашыраць сваю прысутнасць у Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс