Бізнес-навіны

Беларусь і Казахстан абмеркавалі далейшае супрацоўніцтва ў галіне сельскай гаспадаркі

Фота з архiва

16 лютага, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Рэспубліцы Казахстан Павел Уцюпін сустрэўся з міністрам сельскай гаспадаркі Казахстана Сапарханам Амаравым. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

У ходзе сустрэчы бакі разгледзелі пытанні рэалізацыі дамоўленасцей, дасягнутых кіраўнікамі ўрадаў Беларусі і Казахстана 5 лютага ў горадзе Алматы.

"Абмеркаваны таксама ход падрыхтоўкі візіту ў Беларусь казахстанскай дэлегацыі на чале з Сапарханам Амаравым, у рамках якога плануецца абмеркаванне асобных напрамкаў узаемадзеяння дзвюх краін, уключаючы абмен вопытам у сферы раслінаводства, мясной і малочнай жывёлагадоўлі", - праінфармавалі ў МЗС.

Па выніках сустрэчы дасягнута дамоўленасць аб правядзенні ў бліжэйшы час другога пасяджэння сумеснай казахстанска-беларускай рабочай групы па выпрацоўцы перспектыўных напрамкаў двухбаковага супрацоўніцтва ў галіне сельскай гаспадаркі.

версія для друку

зрабіць стартавай

дабавіць у выбранае