Бізнес-навіны

Беларусь і Гана ствараюць камітэт па гандлёва-эканамічным супрацоўніцтве

8 чэрвеня, Мінск /Кар. БЕЛТА/. Беларусь і Гана заключылі пагадненне аб стварэнні сумеснага камітэта па гандлёва-эканамічным супрацоўніцтве. Адпаведны дакумент падпісаны ў прысутнасці лідараў дзвюх краін Аляксандра Лукашэнкі і Джона Драмані Махамы пасля завяршэння афіцыйных перагавораў у Мінску, перадае карэспандэнт БЕЛТА.

Камітэт зоймецца каардынацыяй намаганняў бакоў па нарошчванні гандлёвых сувязей і эканамічнай кааперацыі. "Прапаную не зацягваючы правесці першае пасяджэнне камітэта, каб ажыццявіць усе дамоўленасці па выніках вашага візіту. Мы павінны мець канкрэтны план сумесных дзеянняў па развіцці гандлю паміж нашымі краінамі", - сказаў Аляксандр Лукашэнка на перагаворах.

Заключана таксама міжурадавае пагадненне аб бязвізавых паездках па дыпламатычных і службовых пашпартах.

Профільныя ведамствы дзвюх краін падпісалі мемарандум па пытаннях супрацоўніцтва ў сферы сельскай гаспадаркі.

Акрамя таго, заключана пагадненне аб супрацоўніцтве паміж Беларускай гандлёва-прамысловай палатай і Ганскай нацыянальнай гандлёва-прамысловай палатай.

Прэзідэнт Ганы Джон Драмані Махама, характарызуючы па выніках перагавораў гэтыя дакументы, падкрэсліў, што гэта "не проста дыпламатычныя дасягненні". "Яны ствараюць практычную аснову для супрацоўніцтва прыватнага сектара і дзяржаўных структур, каб яны маглі працаваць больш эфектыўна разам. Гэтыя дакументы даюць магчымасць устараніць бар'еры ва ўзаемадзеянні паміж краінамі і стварыць новыя магчымасці для эканамічнага росту і тэхналагічнага развіцця", - падкрэсліў ён.

версія для друку

зрабіць стартавай

дабавіць у выбранае