Бізнес-навіны

У склад дэлегацыі таксама ўвайшлі пасол Беларусі ў Вялікабрытаніі Сяргей Алейнік, прадстаўнікі Нацбанка, Мінэканомікі, шэрага банкаўскіх устаноў Беларусі.

Кіраўнік беларускай дэлегацыі правёў сустрэчу з прэзідэнтам ЕБРР Сума Чакрабарці, у час якой бакі абмеркавалі стан і перспектывы работы банка ў Беларусі, намецілі прыярытэтныя напрамкі далейшага развіцця ўзаемавыгаднага супрацоўніцтва.

Як паведамілі ў прэс-службе, адбылася афіцыйная цырымонія падпісання мемарандума аб узаемаразуменні адносна прыватызацыі ААТ "Белінвестбанк". Пад дакументам свае подпісы паставілі Уладзімір Сямашка і першы віцэ-прэзідэнт ЕБРР Філ Бенет.

Мемарандум прадугледжвае аказанне з боку ЕБРР перадпрыватызацыйнага фінансавання ААТ "Белінвестбанк", якое ўключае ў сябе інвестыцыі ў акцыянерны капітал і падключэнне беларускага банка да крэдытных ліній фінансавання гандлю і садзейнічання развіццю малых і сярэдніх прадпрыемстваў. Дакумент таксама замацоўвае дакладныя намеры бакоў аб продажы кантрольнага пакета акцый гэтага трэцяга па велічыні дзяржаўнага банка Беларусі стратэгічнаму інвестару да 2020 года.

Праграмай работы беларускай дэлегацыі таксама запланаваны ўдзел у афіцыйных мерапрыемствах штогадовага пасяджэння Савета кіраўнікоў, а таксама шэраг двухбаковых сустрэч з менеджментам ЕБРР, кіраўніцтвам Экалагічнага партнёрства Паўночнага вымярэння, Паўночнага інвестыцыйнага банка, іншых міжнародных фінансавых арганізацый і ўстаноў.