Бізнес-навіны

Беларусь і Дамінікана зацікаўлены ва ўзаемадзеянні ў розных сферах эканомікі

Фота з архiва

3 лютага, Мінск /Кар. БЕЛТА/. Беларусь і Дамініканская Рэспубліка зацікаўлены ва ўзаемадзеянні ў розных сферах эканомікі. Аб гэтым ішла размова на сустрэчы старшыні Беларускай гандлёва-прамысловай палаты Уладзіміра Улаховіча з Надзвычайным і Паўнамоцным Паслом Дамініканы ў Расіі і Беларусі па сумяшчальніцтве Хансам Даненбергам Кастэльянасам, паведамляе БЕЛТА са спасылкай на сайт палаты.

"Разгледзеўшы вынікі і перспектывы супрацоўніцтва паміж дзелавымі коламі Беларусі і Дамініканы, асаблівую ўвагу бакі ўдзялілі развіццю ўзаемадзеяння ў сферах харчовай прамысловасці, фармацэўтыкі і турызму, правядзенню сумесных бізнес-мерапрыемстваў. Удзельнікі перагавораў праінфармавалі адзін аднаго аб асаблівасцях і перавагах арганізацыі свабодных эканамічных зон у Беларусі і Дамініканскай Рэспубліцы", - расказалі ў палаце.

Яшчэ адна сустрэча адбылася ў кіраўніка БелГПП з прадстаўніком замежнай дыпмісіі. Уладзімір Улаховіч правёў перагаворы з Надзвычайным і Паўнамоцным Паслом Каралеўства Марока ў Расіі і Беларусі па сумяшчальніцтве Лотфі Бушаарам.

Паводле інфармацыі палаты, бакі разгледзелі перспектывы пашырэння супрацоўніцтва беларускага і мараканскага бізнесу, актывізацыі кантактаў паміж дзелавымі коламі, магчымасці ўдзелу прадпрыемстваў і арганізацый дзвюх краін у мерапрыемствах, якія праводзяцца ў Беларусі і Марока, абмену візітамі бізнес-дэлегацый.

Пасол выказаў зацікаўленасць дзелавых колаў Марока прыняць удзел у трэцім Беларуска-афрыканскім эканамічным форуме, правядзенне якога запланавана на май 2022 года ў Каіры.

версія для друку

зрабіць стартавай

дабавіць у выбранае