13 мая, Мінск /Кар. БЕЛТА/. Пасол Беларусі ў Інданезіі і пастаянны прадстаўнік пры Асацыяцыі дзяржаў Паўднёва-Усходняй Азіі (АСЕАН) Уладзімір Лапата-Загорскі і намеснік генеральнага сакратара АСЕАН Лім Хонг Хін правялі сёння сустрэчу. Аб гэтым БЕЛТА паведамілі ў пасольстве.
"На сустрэчы дасягнута дамоўленасць аб сумесным вывучэнні магчымасцей наладжвання ўзаемадзеяння паміж бакамі ў галіне сельскай гаспадаркі і ў сферы барацьбы з гандлем людзьмі, закрануты перспектывы супрацоўніцтва па лініі Еўразійскі эканамічны саюз - АСЕАН", - адзначылі ў пасольстве Беларусі ў Інданезіі.
Акрамя таго, намеснік генеральнага сакратара асацыяцыі расказаў аб стварэнні да канца 2015 года Супольніцтва АСЕАН.