23 верасня, Мінск /Юлія Дылянок - БЕЛТА/. Беларусь і Арменія будуць супрацоўнічаць у галіне гарантавання бяспекі атамных электрастанцый. Аб гэтым заявіў сёння журналістам Надзвычайны і Паўнамоцны Пасол Арменіі ў Беларусі Армен Хачатран, перадае карэспандэнт БЕЛТА.
"У Арменіі ўжо больш як 40 гадоў працуе атамная электрастанцыя. Акрамя таго, у нас ёсць навукова-даследчы інстытут па эксплуатацыі такіх аб'ектаў, калісьці ён меў статус усесаюзнага. Гэта значыць мы маем вялікі вопыт у гэтай галіне і гатовы ім падзяліцца", - адзначыў Армен Хачатран.
Паводле яго слоў, Беларусь і Арменія знаходзяцца ў пастаянным пошуку новых сфер узаемадзеяння. "Цяпер мы гатовы больш актыўна супрацоўнічаць у галіне турызму, аховы здароўя, высокіх тэхналогій", - падкрэсліў пасол.
Таксама намаганні дыпламатаў дзвюх краін накіраваны на павелічэнне ўзаемнага тавараабароту. У студзені-ліпені 2014 года ён перасягнуў $20 млн. Пры гэтым акцэнт зроблены ў бок беларускага экспарту, які склаў $15,4 млн. Армянскіх тавараў у Беларусь пастаўлена на суму больш як $5 млн.
Пн | Аўт | Сер | Чцв | Пт | Сб | Нядз |
---|