У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

21 Сак 2017

Беларусь і Аман абмеркавалі прыярытэтныя сферы гандлёва-эканамічнага супрацоўніцтва

21 сакавіка, Мінск /Кар. БЕЛТА/. Прыярытэтныя сферы гандлёва-эканамічнага супрацоўніцтва Беларусі і Амана былі абмеркаваны ў ходзе візіту міністра замежных спраў Беларусі Уладзіміра Макея ў Аман 20-21 сакавіка, паведамілі БЕЛТА ў прэс-службе МЗС Беларусі.

Уладзімір Макей правёў перагаворы з віцэ-прэм'ерам Амана па пытаннях міжнародных адносін і супрацоўніцтва, спецыяльным прадстаўніком Султана Амана Сеідам Асаадам бін Тарыкам аль-Саідам. Субяседніку перададзена асабістае пасланне Прэзідэнта Беларусі Аляксандра Лукашэнкі Султану Амана Кабусу бен Саіду, у якім выкладзена ацэнка бягучага стану і перспектыў беларуска-аманскіх адносін.

Кіраўніком знешнепалітычнага ведамства адзначана важнасць больш хуткага фарміравання міжурадавага механізма супрацоўніцтва паміж Беларуссю і Аманам у фармаце сумеснага камітэта і падпісання адпаведнага двухбаковага пагаднення. Віцэ-прэм'ер запэўніў, што аманскі бок у бліжэйшы час зробіць канкрэтныя крокі па гэтым пытанні.

На сустрэчы з міністрам, адказным за замежныя справы Султаната Аман, Юсефам бен Алаві дэталёва абмеркаваны пытанні развіцця двухбаковых адносін у сферы палітыкі, эканомікі, інвестыцыйнай дзейнасці, адукацыі, навукі і культуры.

У ходзе асобных перагавораў з міністрам прамысловасці і гандлю Алі аль-Сунаідзі, а таксама сустрэчы са старшынёй савета дырэктараў Аманскай гандлёва-прамысловай палаты Саідам аль-Кіюмі былі разгледжаны вынікі выканання дамоўленасцей, дасягнутых у рамках візіту прадстаўнічай дэлегацыі аманскіх бізнесменаў і інвестараў у Мінск у верасні 2016 года, абмеркаваны прыярытэтныя сферы гандлёва-эканамічнага ўзаемадзеяння. У якасці магчымых прыярытэтных напрамкаў названы сельская гаспадарка, прамысловая кааперацыя, інфармацыйныя тэхналогіі, турызм і інш.

Адбыўся таксама шэраг сустрэч Уладзіміра Макея з прадстаўнікамі буйнога аманскага бізнесу, у ходзе якіх была прадстаўлена інфармацыя аб эканамічным патэнцыяле Беларусі, а таксама прапанавана разгледзець магчымасць удзелу ў рэалізацыі інвестыцыйных праектаў у Беларусі ў галінах, якія ўяўляюць інтарэс.

Па выніках дзелавой часткі візіту дасягнута дамоўленасць аб арганізацыі ў бліжэйшы час абмену дэлегацыямі адпаведных беларускіх і аманскіх экспертаў у мэтах выхаду на канкрэтныя праекты і праграмы супрацоўніцтва ў галінах, якія цікавяць абедзве краіны.

Міністр замежных спраў правёў сустрэчы са старшынёй Дзяржаўнага савета Султаната Аман Ях'яй аль-Мандтэры і старшынёй Кансультатыўнага савета Амана Халедам аль-Мавалі, у ходзе якіх абмеркаваны шляхі пашырэння беларуска-аманскіх парламенцкіх сувязей, умацавання міжпарламенцкага ўзаемадзеяння на міжнароднай арэне. Адзначана важнасць падключэння аманскіх парламентарыяў да рэалізацыі двухбаковых эканамічных праектаў, аказання палітычнай падтрымкі гэтаму працэсу.

У ходзе візіту адбылося адкрыццё офіса ганаровага консула Рэспублікі Беларусь у Султанаце Аман. Ва ўрачыстым мерапрыемстве з гэтай нагоды прынялі ўдзел высокапастаўленыя прадстаўнікі Амана, дыпламатычнага корпуса і дзелавых колаў. "Назначэнне ганаровым консулам Беларусі ў Амане вядомага прадстаўніка дзелавых колаў Кайса аль-Юсефа павінна адыграць важную ролю ў актывізацыі двухбаковых палітычных, гандлёва-эканамічных, інвестыцыйных і дзелавых сувязей", - адзначаецца ў паведамленні МЗС Беларусі.

З міністрам турызму Амана Ахмедам бен аль-Мехрзі падпісаны мемарандум аб узаемаразуменні паміж Міністэрствам спорту і турызму Беларусі і Міністэрствам турызму Амана па супрацоўніцтве ў галіне турызму, які стварае асновы для пашырэння кантактаў у турыстычнай сферы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс