Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

23 Feb 2018

Беларусь і Алтайскі край плануюць выйсці на тавараабарот не меншы за $100 млн у бліжэйшыя два гады

23 лютага, Мінск /Кар. БЕЛТА/. Беларусь і Алтайскі край (Расія) плануюць выйсці на тавараабарот не меншы за $100 млн у бліжэйшыя два гады, паведаміў міністр прамысловасці Беларусі Віталь Воўк у час рабочай сустрэчы з губернатарам Алтайскага краю Аляксандрам Карліным. Такая інфармацыя размешчана на сайце канцэрна "Беллегпрам", паведамляе БЕЛТА.

У 2017 годзе аб'ём тавараабароту паміж Беларуссю і Алтайскім краем склаў $53 млн. Максімальны ўзровень двухбаковага гандлю - каля $83 млн - быў зафіксаваны ў 2011 годзе.

Прадстаўнікі органаў улады і спецыялісты шэрага беларускіх прадпрыемстваў пабывалі з візітам у Алтайскім краі. Госці наведалі прамысловыя прадпрыемствы горада Бійска, а таксама азнаёміліся з развіццём турызму і санаторна-курортнай сферы ў горадзе Белакурыха. Акрамя таго, адбылося VI пасяджэнне двухбаковай камісіі па каардынацыі супрацоўніцтва Беларусі і Алтайскага краю Расіі, на якім быў зацверджаны новы план сумеснай работы.

Да гэтага часу супрацоўніцтва развівалася ў асноўным з прамысловымі прадпрыемствамі, а па выніках апошняга пасяджэння было вырашана змяніць ракурс - распаўсюдзіць супрацоўніцтва на іншыя віды эканамічнай дзейнасці. Развіццё атрымаюць двухбаковыя сувязі з удзелам устаноў аховы здароўя, фармацэўтычных кампаній, а таксама турыстычных фірм і арганізацый, працуючых у сферы санаторна-курортнага лячэння. Пашырэнне пераліку напрамкаў супрацоўніцтва дасць магчымасць павялічыць аб'ём тавараабароту, але гэта павінен быць не проста гандаль - аб'ём вырабляемай прадукцыі павінен расці за кошт арганізацыі сумесных прадпрыемстваў з высокім узроўнем лакалізацыі вытворчасці. Удзельнікі перагавораў падкрэслілі, што галоўнай мэтай супрацоўніцтва з'яўляецца стварэнне рабочых месцаў, выпуск канкурэнтаздольнай прадукцыі, продаж якой павінен прыносіць выгаду абодвум бакам.

Беларуская дэлегацыя таксама наведала ААТ "Бійская льняная кампанія". Бакі разгледзелі шэраг новых напрамкаў узаемадзеяння гэтага прадпрыемства з РУВГП "Аршанскі льнокамбінат".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі