Бізнес-навіны

Беларусь і ААЭ маюць намер пашырыць магчымасці для бізнесу

Фота з архiва

18 лістапада, Мінск /Кар. БЕЛТА/. Беларусь і Аб'яднаныя Арабскія Эміраты (ААЭ) маюць намер пашырыць магчымасці для бізнесу. Такое жаданне было выказана ў ходзе сустрэчы дырэктара Нацыянальнага цэнтра маркетынгу Мікалая Барысевіча з паслом ААЭ ў Беларусі Ібрагімам Салімам Махамедам Аль-Мушарахам, паведамілі БЕЛТА ў прэс-службе цэнтра.

Асноўнымі тэмамі абмеркавання сталі ўмацаванне эканамічных сувязей і стварэнне эфектыўных умоў для суправаджэння знешняй эканамічнай дзейнасці паміж краінамі.

У ходзе сустрэчы былі ўзгоднены канкрэтныя мерапрыемствы, накіраваныя на пашырэнне магчымасцей для беларускіх і эмірацкіх кампаній, а таксама на ўмацаванне супрацоўніцтва ў сферы гандлю і інвестыцый.

версія для друку

зрабіць стартавай

дабавіць у выбранае