Бізнес-навіны

БЧ прадоўжыць развіваць грузавыя і пасажырскія перавозкі з Калінінградскай вобласцю

Фота з архiва

14 верасня, Мінск /Кар. БЕЛТА/. Беларуская чыгунка прадоўжыць развіваць грузавыя і пасажырскія перавозкі з Калінінградскай вобласцю, паведамілі БЕЛТА ў прэс-цэнтры БЧ.

У Мінску прайшлі перагаворы начальніка БЧ Уладзіміра Марозава з начальнікам Калінінградскай чыгункі Сяргеем Сапегіным.

Бакі абмеркавалі пытанні двухбаковага супрацоўніцтва: вынікі, перспектывы і напрамкі сумеснай работы па забеспячэнні грузавых чыгуначных перавозак, узаемадзеянне па развіцці вагонапатокаў з Беларусі і Расіі ў напрамку Калінінградскай вобласці і назад з улікам дзеючых санкцыйных абмежаванняў.

У рамках сустрэчы таксама была ўдзелена ўвага арганізацыі і перспектывам развіцця пасажырскіх перавозак у зносінах з Калінінградскай чыгункай.

Як адзначылі ў прэс-цэнтры, цяпер у пасажырскіх зносінах з Калінінградскай вобласцю назіраецца актыўнае аднаўленне аб'ёмаў перавозак на фоне стабілізацыі санітарна-эпідэміялагічнай абстаноўкі. У той жа час існуючыя абмежаванні з боку Літвы па колькасці пасажыраў, якія едуць адначасова ў адным поездзе, не дазваляюць у поўнай меры рэалізаваць патэнцыял чыгуначнага транспарту пры арганізацыі пасажырскіх перавозак у зносінах з Калінінградскай вобласцю.

Кіраўнікі чыгуначных кампаній таксама разгледзелі пытанні павышэння бяспекі руху грузавых і пасажырскіх паяздоў, паляпшэння якасці рамонту рухомага саставу.

версія для друку

зрабіць стартавай

дабавіць у выбранае