У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

26 Стд 2016

БЧ падзеліцца вопытам па ўкараненні інфармацыйных тэхналогій з Грузінскай чыгункай

26 студзеня, Мінск /Кар. БЕЛТА/. Дэлегацыя АТ "Грузінская чыгунка" прыбыла на Беларускую чыгунку для абмену вопытам у галіне ўкаранення інфармацыйных тэхналогій. Сустрэча бакоў праходзіць сёння ў Мінску, паведамілі БЕЛТА ў прэс-цэнтры БЧ.

"Праграма знаходжання грузінскіх калег прадугледжвае наведванне шэрага аб'ектаў інфраструктуры беларускай магістралі, сярод якіх Галоўны разліковы інфармацыйны цэнтр, дзе яны азнаёмяцца з цэнтральным вылічальным комплексам БЧ", - удакладнілі спецыялісты. Таксама плануецца наведванне лакаматыўнага дэпо Мінск і правядзенне нарады.

Акрамя таго, беларускія спецыялісты правядуць для чыгуначнікаў з Грузіі некалькі прэзентацый, у тым ліку па тэхнічным абслугоўванні і рамонце абсталявання.

Беларуская чыгунка - важнае звяно транспартнага комплексу краіны, паспяхова канкурыруе з іншымі відамі транспарту і забяспечвае больш як 62 працэнты грузаабароту і каля 36 працэнтаў пасажыраабароту ўсіх відаў транспарту агульнага карыстання ў рэспубліцы. Прыярытэтнымі напрамкамі развіцця БЧ з'яўляюцца ўдасканаленне дзеючых і ўкараненне новых тэхналогій перавозак грузаў і пасажыраў, мадэрнізацыя чыгуначнай інфраструктуры, развіццё транспартна-лагістычнага бізнесу, набыццё сучаснага рухомага саставу.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс