14 лістапада, Дака /Кар. БЕЛТА/. Бангладэшская кампанія Square Pharmaceuticals гатова ўдзельнічаць у будаўніцтве ў Беларусі фармацэўтычнага завода. Магчымасці рэалізацыі гэтага праекта абмяркоўваліся ў час наведвання гэтай кампаніі прэм'ер-міністрам Беларусі Міхаілам Мясніковічам, перадае карэспандэнт БЕЛТА.
"Дасягнута дамоўленасць аб тым, што яны ў нас паставяць фармацэўтычны завод. Мы запрасілі гэту кампанію ў якасці інвестара і ў якасці экспарцёра лякарстваў у Беларусь, - расказаў прэм'ер-міністр. - У нас добры рынак і можа быць добры бізнес. У прынцыпе рынак лякарстваў - гэта растучы рынак, і ён абяцае быць растучым яшчэ многія гады".
Кіраўнік урада пазітыўна ацаніў узровень вытворчасці лекавых прэпаратаў кампаніі Square Pharmaceuticals. "У мяне скалалася вельмі пазітыўнае меркаванне аб узроўні фармацэўтычнай прамысловасці Бангладэш. А гэты завод - сучаснае еўрапейскае прадпрыемства. Яно сертыфікавана па стандартах GMP, гэта значыць лякарствы могуць прадавацца практычна ва ўсіх краінах свету", - рэзюмаваў Міхаіл Мясніковіч.
Пн | Аўт | Сер | Чцв | Пт | Сб | Нядз |
---|