Бізнес-навіны

Азербайджанскі шоўк і беларуская лёгкая прамысловасць. Піневіч наведаў вядомы шаўкаводствам горад Шэкі

Фота Пасольства Рэспублікі Беларусь у Азербайджанскай Рэспубліцы

28 жніўня, Мінск /Кар. БЕЛТА/. Надзвычайны і Паўнамоцны Пасол Беларусі ў Азербайджане Дзмітрый Піневіч наведаў горад Шэкі, паведамляе карэспандэнт БЕЛТА са спасылкай на беларускае пасольства ў Азербайджане.

У час візіту адбылася сустрэча з кіраўніком выканаўчай улады Шэкінскага раёна Эльханам Усубавым. Субяседнікі разгледзелі шырокі спектр пытанняў далейшага развіцця беларуска-азербайджанскага супрацоўніцтва, у тым ліку паміж рэгіёнамі - пабрацімамі Беларусі і Азербайджана.

Пасол Беларусі таксама пабываў на прадпрыемстве па вытворчасці шоўку ТАА "Азерыпек" і абмеркаваў пытанні супрацоўніцтва з беларускімі прадпрыемствамі лёгкай прамысловасці.

Горад Шэкі лічыцца сапраўднай жамчужынай Азербайджана. Гэты невялікі гарадок каля падножжа Вялікіх Каўказскіх гор, які адыграў важную ролю ў гісторыі Вялікага шаўковага шляху, уражвае сваёй цудоўнай архітэктурай. І сёння рынак у Шэкі прыцягвае гандляроў і пакупнікоў з усяго рэгіёна.

Да таго ж гэты азербайджанскі горад яшчэ з XV стагоддзя вядомы як месца вытворчасці шоўку - Шэкі называюць адным з цэнтраў шаўкаводства ў рэгіёне. Менавіта тут у 1861 годзе была пабудавана першая шоўкапрадзільная фабрыка - адна з буйнейшых у свеце.

У 2022 годзе на пасяджэнні Міжурадавага камітэта ЮНЕСКА па захаванні нематэрыяльнай культурнай спадчыны шаўкаводства і традыцыйная вытворчасць шоўку для ткацтва былі ўнесена ў Рэпрэзентатыўны спіс нематэрыяльнай культурнай спадчыны чалавецтва ад Азербайджана, Афганістана, Ірана, Турцыі, Таджыкістана, Туркменістана і Узбекістана.

версія для друку

зрабіць стартавай

дабавіць у выбранае