У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

13 Кст 2015

Асноўныя агульнабудаўнічыя работы на Гарлыкскім горна-абагачальным камбінаце завершацца ў кастрычніку

13 кастрычніка, Мінск /Юлія Огнева - БЕЛТА/. Асноўныя агульнабудаўнічыя работы на Гарлыкскім горна-абагачальным камбінаце завершацца ў кастрычніку. Аб гэтым паведаміў сёння журналістам міністр архітэктуры і будаўніцтва Анатоль Чорны па выніках нарады ў старшыні Савета Рэспублікі Міхаіла Мясніковіча, прысвечанай ходу будаўніцтва камбіната, перадае карэспандэнт БЕЛТА.

"У кастрычніку асноўныя агульнабудаўнічыя работы завершацца, што дасць магчымасць пачаць мантаж і абвязку абсталявання. Графікам прадугледжана ў I квартале 2016 года іх завяршыць", - адзначыў Анатоль Чорны.

Будаўніцтва Гарлыкскага горна-абагачальнага камбіната плануецца завяршыць да 1 студзеня 2017 года. "Вырашаюцца пытанні праходкі, яны ідуць у строгім графіку, лічацца кожныя суткі. Ужо дайшлі да праходкі 45 м у месяц. Ёсць патрабаванні да будаўнікоў як мага раней завяршыць першую праходку", - сказаў міністр.

Анатоль Чорны канстатаваў, што цяпер на аб'екце працуюць больш як 400 чалавек. З улікам выхаду на мантаж плануецца задзейнічаць яшчэ каля 300 работнікаў. "Гэта будзе звыш ліміту, але будзем дамаўляцца з туркменскім бокам, таму што размова ідзе аб адказных работах, якія павінны выконваць высокакваліфікаваныя мантажнікі і наладчыкі", - растлумачыў ён.

Таксама міністр адзначыў, што адна з асноўных складанасцей у будаўніцтве звязана з аддаленасцю аб'екта, з-за чаго ўзнікаюць праблемы з кіраваннем. "Назначаны новы кіраўнік будоўлі, які сёння арганізаваў працэс будаўніцтва на высокім узроўні. Тыя пытанні, якія ўзніклі, ужо вырашаюцца. Разлічваем усе адставанні і існуючыя пытанні вырашыць у гэтым годзе", - рэзюмаваў Анатоль Чорны.

У студзені 2010 года ААТ "Белгархімбуд" падпісала з дзяржаўным канцэрнам "Туркменхімія" кантракт на будаўніцтва беларускімі спецыялістамі пад ключ Гарлыкскага горна-абагачальнага камбіната па выпуску калійных угнаенняў на базе Гарлыкскага радовішча калійных солей. Асноўныя работы былі пачаты ў 2012 годзе.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску