Бізнес-навіны

"АМКАДОР" прадставіў камунальную тэхніку на міжнароднай выстаўцы ў Санкт-Пецярбургу

Фота "АМКАДОРа"

23 красавіка, Мінск /Кар. БЕЛТА/. "АМКАДОР" прадставіў камунальную тэхніку на XXII Міжнароднай выстаўцы "ЖКГ Расіі", якая праходзіць з 22 па 24 красавіка ў Санкт-Пецярбургу, паведамілі БЕЛТА ў холдынгу.

Холдынг "АМКАДОР" прадставіў на выстаўцы сучасныя рашэнні для камунальнай галіны, зрабіўшы акцэнт на малагабарытнай тэхніцы, запатрабаванай ва ўмовах гарадскога асяроддзя. У ліку машын - універсальны пагрузчык з бартавым паваротам "АМКАДОР 211". Кампактная і высокаманеўраная машына аснашчана гідраўлічным хутказменным устройствам, якое дае магчымасць выкарыстоўваць шырокі спектр навяснога абсталявання. Дзякуючы гэтаму тэхніка эфектыўна выконвае розныя віды работ і ўжо добра зарэкамендавала сябе пры эксплуатацыі на вуліцах Санкт-Пецярбурга.

Асаблівую ўвагу на стэндзе прыцягвае навінка - малагабарытная камунальная машына AMKODOR VU8. Гэта ўніверсальнае рашэнне для гарадскога асяроддзя. Машына арыентавана на круглагадовую эксплуатацыю і здольна эфектыўна выконваць цэлы комплекс задач: ад прыбірання і падмятання тэрыторый да расчысткі снегу і размеркавання процігалалёдных матэрыялаў у зімовы перыяд. Дзякуючы сваёй універсальнасці AMKODOR VU8 можа прымяняцца як у камунальнай гаспадарцы, так і пры будаўніцтве і ўтрыманні дарог, тратуараў, вуліц і іншых аб'ектаў інфраструктуры.

"У рамках выстаўкі ўсе жадаючыя могуць наведаць стэнд "АМКАДОР", дзе спецыялісты кампаніі падрабязна раскажуць аб магчымасцях тэхнікі і дапамогуць падабраць аптымальныя рашэнні пад канкрэтныя задачы", - падкрэслілі ў холдынгу.

версія для друку

зрабіць стартавай

дабавіць у выбранае