Бізнес-навіны

"Амкадор" мае намер павялічыць выпуск лясных машын

У час семінара. Фота ААТ "Амкадор" - кіруючая кампанія холдынга"

28 жніўня, Мінск /Кар. БЕЛТА/. "Амкадор" мае намер павялічыць аб'ёмы выпуску лясных машын, паведамілі БЕЛТА ў прэс-службе прадпрыемства.

У час абласнога семінара для кіраўнікоў і спецыялістаў лесапрамысловага комплексу група галоўных механікаў лесагаспадарчых устаноў Мінскай вобласці наведала вытворчае ўнітарнае прадпрыемства "Амкадор-Лагойск". Спецыялісты холдынга расказалі гасцям аб развіцці і мадэрнізацыі прадпрыемства, маючым адбыцца павелічэнні аб'ёмаў выпуску лясных машын, а таксама аб работах па паляпшэнні канструкцый тэхнікі і перспектывах пашырэння яе мадэльнага рада.

Прадстаўнікі лесагаспадарчых арганізацый азнаёміліся з тэхналогіямі зваркі, афарбоўкі і зборкі машын. Пасля адбылося абмеркаванне пытанняў, звязаных з эксплуатацыяй тэхнікі, яе гарантыйным і постгарантыйным абслугоўваннем, мерамі, якія прымае "Амкадор" для павышэння надзейнасці сваёй прадукцыі. У час абмеркавання было адзначана, што "Амкадор" прыслухоўваецца да думкі спецыялістаў лясной гаспадаркі і аператыўна рэагуе на ўсе заўвагі і прапановы.

На гэты час лесагаспадарчым прадпрыемствам Беларусі пастаўлена ўжо больш за 750 машын ЛПК вытворчасці "Амкадор". Яны складаюць аснову парку тэхнікі нарыхтоўчых арганізацый, паспяхова спраўляюцца з усімі пастаўленымі задачамі, паказваючы пры гэтым высокі ўзровень якасці і надзейнасці.

ААТ "Амкадор" - кіруючая кампанія холдынга" створана ў 1927 годзе. Тут вырабляюць 125 мадэлей і мадыфікацый тэхнікі без уліку варыянтаў апцыйных камплектацый машын. Колькасць супрацоўнікаў перавышае 6 тыс. Усе прадпрыемствы холдынга інтэграваны ў адзіны тэхналагічны ланцуг. Кожны ўдзельнік спецыялізуецца на выпуску канкрэтных машын, вузлоў і агрэгатаў для ўсіх прадпрыемстваў кампаніі. У холдынгу пастаянна распрацоўваюць новыя мадэлі тэхнікі і ўдасканальваюць існуючыя.

версія для друку

зрабіць стартавай

дабавіць у выбранае