Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

12 Dec 2017

"Амкадор" акажа Башкортастану садзейнічанне ў асваенні сучасных тэхналогій лесанарыхтовак

Фота з сайта Прадстаўніцтва Пасольства Рэспублікі Беларусь ва Ўфе12 снежня, Мінск /Кар. БЕЛТА/. Холдынг "Амкадор" і ўрад Башкортастана падпісалі пагадненне аб укараненні і развіцці сучасных аўтаматызаваных тэхналогій лесанарыхтовак на тэрыторыі рэспублікі, паведамляе БЕЛТА са спасылкай на афіцыйны сайт беларускага прадпрыемства.

Дакумент быў падпісаны ў час I Міжрэгіянальнага форуму па развіцці паўночнага ўсходу Башкортастана, у якім прынялі ўдзел прадстаўнікі "Амкадора".

У кулуарах форуму таксама прайшлі перагаворы прадстаўнікоў дзелавых колаў Беларусі з міністрам прамысловасці і інавацыйнай палітыкі Башкортастана Аляксеем Карпухіным і міністрам лясной гаспадаркі Башкортастана Маратам Шарафутдзінавым, у ходзе якіх бакі абмеркавалі асноўныя напрамкі ўзаемадзеяння на перспектыву.

Як расказалі ў "Амкадоры", распрацоўка тэхнікі для лесапрамысловага комплексу (ЛПК) у холдынгу пачалася ў 2004 годзе. За кароткі па мерках сусветнага машынабудавання час холдынг асвоіў серыйную вытворчасць 17 сучасных мадэлей машын ЛПК, яшчэ чатыры мадэлі праходзяць выпрабаванні. Усе яны даюць магчымасць прымяняць у лясной гаспадарцы самыя перадавыя тэхналогіі. На гэты час выпушчана больш за 800 экзэмпляраў машын.

Усе этапы вытворчасці тэхнікі для лясной гаспадаркі сертыфікаваны па сусветных стандартах СТБ ISO 9001-2009 і DIN EN ISO 9001-2008.

Па аб'ёме рэалізацыі машын лесапрамысловага комплексу на расійскім рынку холдынг "Амкадор" з 2014 года замацаваўся на трэцім месцы пасля вядучых сусветных вытворцаў (John Deere, Ponsse), апярэдзіўшы Komatsu.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі