Бізнес-навіны

Алірэза Санеі: Іран зацікаўлены ў стварэнні сумеснай з Беларуссю вытворчасці трактароў

Фота з архiва

10 лютага, Мінск /Кар. БЕЛТА/. Іран зацікаўлены ў стварэнні сумеснай з Беларуссю вытворчасці трактароў. Гэта адзначыў Надзвычайны і Паўнамоцны Пасол Ісламскай Рэспублікі Іран у Рэспубліцы Беларусь Алірэза Санеі ў інтэрв'ю карэспандэнту БЕЛТА ў сувязі з 46-й гадавінай перамогі Ісламскай рэвалюцыі, якая адзначаецца 10 лютага.

"Пытанне стварэння сумеснай вытворчасці знаходзіцца ў пачатковай стадыі распрацоўкі", - расказаў дыпламат.

Як паведамлялася раней, першы віцэ-прэзідэнт Ірана Махамад Махбер восенню 2023 года наведаў Мінскі трактарны завод у суправаджэнні прэм'ер-міністра Беларусі Рамана Галоўчанкі. Высокаму госцю прэзентавалі ўзоры сельскагаспадарчай, дарожнай і аўтамабільнай тэхнікі беларускай вытворчасці.

У Мінску ў студзені бягучага года адбылося 17-е пасяджэнне сумеснай міжурадавай камісіі па эканамічным супрацоўніцтве паміж Беларуссю і Іранам з удзелам міністра прамысловасці, шахтаў і гандлю Ірана Сееда Махамада Атабака. Як адзначыў у час мерапрыемства міністр прамысловасці Беларусі Аляксандр Яфімаў, Беларусі і Ірану ёсць да чаго імкнуцца ў плане гандлёва-эканамічных адносін.

"Мы зацікаўлены не проста ў пастаўках беларускіх тавараў, у сельскагаспадарчым машынабудаванні (трактары, камбайны), але мы сур'ёзна разглядаем іранскія пляцоўкі і іранскіх партнёраў у частцы арганізацыі і перадачы кампетэнцый па вырабе ўжо там, на месцы, навукаёмістых прадуктаў, напрыклад у сельгасмашынабудаванні", - падкрэсліў кіраўнік ведамства.

версія для друку

зрабіць стартавай

дабавіць у выбранае