Бізнес-навіны

Аграрыі Беларусі намалацілі першы мільён тон збожжа

Фота з архiва

18 ліпеня, Мінск /Кар. БЕЛТА/. Беларускія аграрыі намалацілі першы мільён тон збожжа. Аб гэтым БЕЛТА паведамілі ў прэс-службе Міністэрства сельскай гаспадаркі і харчавання.

"Паводле даных на 18 ліпеня, намалочана 1,026 млн т збожжа. Убрана 12 працэнтаў плошчы збожжавых і зернебабовых культур (без кукурузы, грэчкі і проса). Сярэдняя ўраджайнасць - 42,5 ц/га, што вышэй за мінулагоднюю на 3,8 ц/га", - расказалі ў прэс-службе.

У разрэзе абласцей намалочана: Мінская - 281 тыс. т, Брэсцкая - 238 тыс. т, Гродзенская - 219 тыс. т, Гомельская - 140 тыс. т, Магілёўская - 93 тыс. т, Віцебская - 55 тыс. т.

У Мінсельгасхарчы таксама адзначылі, у мінулым годзе першы мільён тон сабралі 23 ліпеня.

версія для друку

зрабіць стартавай

дабавіць у выбранае