Бізнес-навіны

Ад паставак тэхнікі да навучання кадраў. Якія перспектывы супрацоўніцтва Беларусі і Лівана

Віктар Каранкевіч. Скрыншот відэа Telegram-канала "Урад Беларусі"

11 чэрвеня, Мінск /Кар. БЕЛТА/. Намеснік прэм'ер-міністра Беларусі Віктар Каранкевіч, які знаходзіцца з візітам у Ліване, пракаменціраваў перспектывы супрацоўніцтва з гэтай краінай, паведамляе карэспандэнт БЕЛТА.

"Ёсць некалькі перспектыўных блокаў супрацоўніцтва. Гэта і перадача кампетэнцый па вырошчванні культур, і пастаўкі сельскагаспадарчай тэхнікі, якая павысіла б эфектыўнасць атрымання сельгаспрадукцыі з палёў. А таксама пытанні навучання кадраў для сельскай гаспадаркі ў нашых установах адукацыі. Акрамя таго, перспектыўна супрацоўніцтва ў прамысловасці, асабліва ў машынабудаванні, пастаўках камунальнай, пасажырскай тэхнікі, ёсць магчымасць далейшага ўзаемадзеяння па стварэнні сумесных прадпрыемстваў", - сказаў Віктар Каранкевіч.

Урадавая дэлегацыя на чале з Віктарам Каранкевічам цяпер знаходзіцца з візітам у Ліване. На парадку дня шырокае кола пытанняў. Бакі абмяркуюць спосабы і шляхі ўмацавання двухбаковага супрацоўніцтва па шэрагу напрамкаў. Так, узаемныя інтарэсы ёсць у сферы прамысловасці, сельскай гаспадаркі, будаўніцтва, а таксама стварэння інфраструктуры, у тым ліку лагістычнай. Акрамя таго, чакаецца, што бакі абмяняюцца меркаваннямі па міжнародных тэмах і звераць гадзіннікі на парламенцкім трэку.

версія для друку

зрабіць стартавай

дабавіць у выбранае