Афіцыйны сайт Рэспублікі Беларусь
Бізнес
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

19 Oct 2021

Аб'ём інвестыцый рэзідэнтаў "Вялікага каменя" ў І паўгоддзі склаў больш за $20 млн

Аб'ём інвестыцый рэзідэнтаў
Фота "Вялікага каменя"

19 кастрычніка, Мінск /Кар. БЕЛТА/. Агульны аб'ём інвестыцый рэзідэнтаў Кітайска-беларускага індустрыяльнага парка "Вялікі камень" за першае паўгоддзе 2021 года склаў каля $20,6 млн, пры гэтым інвестыцыі ў асноўны капітал павялічыліся на 34 працэнты ў параўнанні з аналагічным перыядам мінулага года, паведамілі БЕЛТА ў прэс-службе парка.

Агульны аб'ём інвестыцый рэзідэнтамі індустрыяльнага парка склаў 8,5 працэнта ад агульнага аб'ёму інвестыцый у Мінскую вобласць.

Як адзначылі ў прэс-службе, колькасць рэзідэнтаў "Вялікага каменя" павялічылася за кошт прыцягнення ў парк 14 новых рэзідэнтаў з кітайскім, беларускім, расійскім, швейцарскім і ўкраінскім капіталамі з агульным аб'ёмам заяўленых інвестыцый каля $40 млн. Разам з тым будзе створана амаль 654 рабочыя месцы. Новымі рэзідэнтамі парка будуць рэалізоўвацца розныя праекты, у тым ліку вытворчасць камп'ютарнай тэхнікі, захоўванне і апрацоўка вялікіх даных, электронная камерцыя, інтэрактыўныя банкаўскія тэрміналы і рабатызаваныя аптэкі, а таксама спецыялізаваныя транспартныя сродкі для сельскай і лясной гаспадаркі.

З пачатку вядзення гаспадарчай дзейнасці рэзідэнтамі індустрыяльнага парка быў атрыманы чысты прыбытак, які адлюстроўвае трохразовае павелічэнне аб'ёмаў вытворчасці. У першай палавіне бягучага года было створана каля 610 новых рабочых месцаў, што на 54 працэнты больш у параўнанні з канцом 2020 года.

Кітайска-беларускі індустрыяльны парк "Вялікі камень" - асаблівая эканамічная зона са спецыяльным прававым рэжымам, размешчаная за 25 км ад Мінска. Прыярытэтныя для парка напрамкі - машынабудаванне, электроніка і тэлекамунікацыі, біятэхналогіі, фармацэўтыка, новыя матэрыялы, лагістыка, электронная камерцыя, захоўванне і апрацоўка вялікіх аб'ёмаў даных.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі