Комплекс "Буравеснік" спецыялісты НПЦ распрацоўвалі для МНС. Самалёт важыць 250 кг, працуе на рухавіку ўнутранага згарання і можа аддаляцца ад наземнага пункта кіравання на адлегласць да 300 км. Гэтаму беспілотніку патрэбна ўзлётна-пасадачная паласа, але пры неабходнасці ён здольны сесці на любую адносна роўную грунтавую пляцоўку. "Буравеснік" можа выкарыстоўвацца для маніторынгу надзвычайных сітуацый, у тым ліку ў зонах, заражаных радыеактыўнымі адходамі.