Прамовы і інтэрв’ю

26 кастрычніка, Мінск /Кар. БЕЛТА/. Ініцыятывы Беларусі на пляцоўцы ААН адыгрываюць важную ролю. Такое меркаванне выказала сёння журналістам памочнік генеральнага сакратара ААН, намеснік адміністратара Праграмы развіцця ААН, рэгіянальны дырэктар па краінах Еўропы, СНД і Балтыі Джыхан Султанаглу, перадае карэспандэнт БЕЛТА.

Прадстаўнік ААН падкрэсліла, што паколькі Беларусь з'яўляецца адной з заснавальніц міжнароднай арганізацыі, ААН адыгрывае асаблівую ролю ў жыцці краіны. "Супрацоўніцтва ААН і Беларусі прадаўжаецца многія дзесяцігоддзі, і наша ўзаемадзеянне дае добрыя вынікі. Мы ўпэўнены, што Мэты ўстойлівага развіцця, якія патрэбны ўсёй сусветнай супольнасці, будуць паспяхова рэалізаваны ў Беларусі", - падкрэсліла яна. Джыхан Султанаглу звярнула ўвагу, што Мэты ўстойлівага развіцця распрацоўваліся пры ўдзеле грамадзянскай супольнасці, акадэмічных колаў, няўрадавых арганізацый у супрацоўніцтве з нацыянальнымі ўрадамі. Таму гэту ініцыятыву можна назваць мэтай усяго глабальнага супольніцтва.

Асобна Джыхан Султанаглу адзначыла ініцыятыву па арганізацыі падарожжа ў Беларусі поезда да 70-годдзя ААН. На яе думку, гэты праект стане значным крокам для ўмацавання ўзаемадзеяння Беларусі з Арганізацыяй Аб'яднаных Нацый. "Беларусь адданая ідэі рэалізацыі Мэт устойлівага развіцця і ўзяла на сябе гэта абавязацельства на самым высокім узроўні", - сказала на заканчэнне яна.