VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

26 Май 2016

Кандрусевіч лічыць каталіцка-праваслаўны дыялог у Беларусі прыкладам для Еўропы

Кандрусевіч лічыць каталіцка-праваслаўны дыялог у Беларусі прыкладам для Еўропы

26 мая, Мінск /Кар. БЕЛТА/. Мітрапаліт Мінска-Магілёўскай архіепархіі Рымска-каталіцкай царквы архібіскуп Тадэвуш Кандрусевіч лічыць каталіцка-праваслаўны дыялог у Беларусі прыкладам для Еўропы. Аб гэтым ён заявіў сёння журналістам, перадае карэспандэнт БЕЛТА.

Як адзначыў Тадэвуш Кандрусевіч, Беларусь з'яўляецца ўзорам па мірным суіснаванні рэлігій, а выстава беларускіх абразоў, якая прадстаўлена ў Ватыкане, якраз дэманструе вынікі доўгай сумеснай работы католікаў і праваслаўных. "Сёння неабходны гэты дыялог, каталіцкая і праваслаўная цэрквы павінны дапамагчы будаваць Еўропу не толькі прававую, але і духоўную. Для іміджу нашай краіны гэта відавочны плюс", - перакананы ён.

Выстава беларускіх абразоў у Ватыкане выклікала вялікую цікавасць з боку наведвальнікаў. Размова аб унікальнай экспазіцыі вялася нават на пленарным пасяджэнні італьянскай канферэнцыі біскупаў, на якой прысутнічаў і мітрапаліт Кандрусевіч, і прадстаўнікі розных еўрапейскіх краін.

Выстава "Іканапіс Беларусі XVII-XXI стагоддзяў з калекцыі Нацыянальнага мастацкага музея Рэспублікі Беларусь" адкрылася ў музеі Ватыкана 18 мая. Праз некалькі дзён пасля афіцыйнага адкрыцця яе наведаў Прэзідэнт Беларусі Аляксандр Лукашэнка ў суправаджэнні Дзяржаўнага сакратара Ватыкана кардынала П'етра Параліна. Кіраўнік беларускай дзяржавы высока ацаніў выставу і выказаў упэўненасць, што гэта толькі першы значны крок у развіцці музейнага супрацоўніцтва паміж Беларуссю і Ватыканам і за гэтай выставай пойдуць многія іншыя цікавыя праекты.

Экспазіцыя, якая ўключае 31 абраз беларускіх іканапісцаў і 2 чаканныя аклады, знаёміць італьянскіх спецыялістаў і шматлікіх турыстаў з усяго свету з унікальнымі творамі беларускай сакральнай культуры.

Азнаёміцца з унікальнымі абразамі з калекцыі НММ у Ватыкане можна да 25 ліпеня. Плануецца, што ў канцы верасня бягучага года выстава будзе дапоўнена іншымі каштоўнымі экспанатамі з фондаў НММ і прэзентавана ў Мінску.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход