Падзеі, факты, анонсы
Руслан Асланаў выступіць дзясятым на дзіцячым "Еўрабачанні" ў Сафіі
16 лістапада, Сафія /Кар. БЕЛТА/. У Нацыянальным палацы культуры Балгарыі прайшла жараб'ёўка сярод удзельнікаў дзіцячага "Еўрабачання-2015": Руслан Асланаў выступіць дзясятым, перадае карэспандэнт БЕЛТА.
"На самай справе, я быў бы рады любому нумару. Але, прызнаюся, больш хацелася выступаць у другой частцы", - сказаў журналістам Руслан Асланаў.
Фінал конкурсу адбудзецца 21 лістапада. У час грандыёзнага шоу ў зале размесціцца каля 8 тыс. гледачоў, а тэлеаўдыторыя традыцыйна будзе шматмільённай. Прамую трансляцыю дзіцячага "Еўрабачання-2015" будуць весці тэлеканалы "Беларусь 1" і спадарожнікавы "Беларусь 24".
Адкрые конкурсную частку канцэрта сваім выступленнем прадстаўніца Сербіі Лена Стаменкавіч, апошняй з удзельнікаў выйдзе на сцэну Яна Міркавіч з Чарнагорыі.
версія для друку
зрабіць стартавай
дабавіць у выбранае