У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

17 Жнв 2017

Помнік Уладзіміру Мулявіну ўстанавілі ў Мінску

17 ліпеня, Мінск /Надзея Мацвеева - БЕЛТА/. Помнік народнаму артысту СССР заснавальніку ансамбля "Песняры" Уладзіміру Мулявіну ўрачыста адкрылі сёння ў Мінску, перадае карэспандэнт БЕЛТА.

У мерапрыемстве прынялі ўдзел прадстаўнікі гарадскога выканаўчага камітэта, міністэрстваў, ведамстваў і ўрада Беларусі, адміністрацыі Свярдлоўскай вобласці Расіі. Цырымонію адкрыцця прымеркавалі да 950-годдзя Мінска.

Як адзначыў міністр культуры Беларусі Барыс Святлоў, адкрываецца помнік вялікаму сыну Беларусі і Расіі, чалавеку, які стаяў ля вытокаў стварэння легендарнага ансамбля "Песняры". "Уладзімір Мулявін унёс неацэнны ўклад ва ўзбагачэнне беларускай культуры. Творчасць музыканта прайшла выпрабаванне часам і служыць эталонам прафесійнага майстэрства, шчырасці выканання і душэўнасці. Доўгія гады поспехі, дасягнутыя непераўзыдзеным майстрам сваёй справы, які ўмеў вельмі тонка адчуваць і чуць музыку, будуць служыць стымулам прафесійнага і асобаснага развіцця", - падкрэсліў ён.

Са знамянальнай падзеяй павіншаваў мінчан часова выконваючы абавязкі губернатара Свярдлоўскай вобласці Яўген Куйвашаў. "Уладзімір Георгіевіч Мулявін па характары і нараджэнні ўралец, а па жыцці і творчым шляху - беларус. Мулявін сам гаварыў пра сябе, што ў яго "дзве мовы", як два крылы ў птушкі, і гэта сапраўды так. Гэтай падзеяй і гэтым помнікам мы гаворым адзін аднаму словы ўдзячнасці, аддаём даніну павагі ўнікальнаму чалавеку, які вельмі шмат зрабіў для нашых краін, дзякуючы якому беларускія песні пачуў увесь свет", - сказаў Яўген Куйвашаў.

кампазіцыя ўпрыгожыла сталічны бульвар Мулявіна. Вобраз выбраны роднымі песняра. У 2014 годзе помнік музыканту быў адкрыты на яго радзіме ў Екацярынбургу. Там жа вырабілі і скульптуру, якая ўпрыгожыла Мінск. Яна стала своеасаблівым падарункам беларускай сталіцы ад расійскага боку.

Аўтар скульптуры - Аляксандр Каструкоў, які асабіста ведаў Уладзіміра Мулявіна.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс