Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

16 Feb 2015

На адкрыцці юніёрскага чэмпіянату свету па біятлоне арганізатары здзівяць светлавым шоу

16 лютага, Мінск /Аляксандр Новікаў - БЕЛТА/. Арганізатары чэмпіянату свету па біятлоне сярод юніёраў і юнакоў, які з 17 па 24 лютага прыме Рэспубліканскі цэнтр алімпійскай падрыхтоўкі па зімовых відах спорту (РЦАП) "Раўбічы", у ходзе ўрачыстага адкрыцця турніру ў аўторак на плошчы Дзяржаўнага сцяга ў Мінску пастараюцца ўразіць балельшчыкаў і ўдзельнікаў яркім светлавым шоу, паведамляе карэспандэнт БЕЛТА.

Цырымонія адкрыцця пачнецца 17 лютага ў 20.00 і прадоўжыцца не больш за гадзіну.

Лідар агульнага заліку жаночага Кубка свету па біятлоне Дар'я Домрачава, нягледзячы на перапынак у выступленнях, не плануе наведванне "Раўбічаў" у дні юніёрскага сусветнага форуму. Спартсменка заявіла аб гэтым журналістам на этапе Кубка свету ў Холменколене. Павышаная ўвага да Домрачавай можа негатыўна паўплываць на падрыхтоўку да чэмпіянату свету ў фінскім Контыялахты, які адбудзецца з 5 па 15 сакавіка.

Тым часам беларускія юнацкія і юніёрскія каманды праводзяць апошнія трэніроўкі перад стартамі ў "Раўбічах".

Акрамя айчыннай зборнай падрыхтоўку ў цэнтры зімовых відаў спорту ўжо вядуць біятланісты ЗША і Нарвегіі. Асноўная частка ўдзельнікаў прыбыла ў Беларусі 15 лютага. Чакаецца больш за 600 удзельнікаў спаборніцтваў, з якіх амаль 450 - спартсмены.

Першыя гонкі стартуюць 18 лютага.

На час чэмпіянату свету па біятлоне сярод юніёраў і юнакоў у Рэспубліканскім цэнтры алімпійскай падрыхтоўкі па зімовых відах спорту "Раўбічы" з 18 па 24 лютага для забеспячэння перавозкі гледачоў будзе арганізавана работа прыгараднага экспрэснага аўтобуснага маршруту нумар 449БЭ "ст.м. Барысаўскі тракт - Раўбічы". На маршруце будуць прадугледжаны прыпыначныя пункты "ст.м. Барысаўскі тракт", "Карбышава", "аг. Лясны", "Раўбічы" ў абодвух напрамках.

Пачатак работы маршруту (ад прыпыначнага пункта "ст.м. Барысаўскі тракт") будзе запланаваны ў 8.00, заканчэнне (апошняе адпраўленне ад прыпыначнага пункта "Раўбічы") - праз адну гадзіну пасля ўзнагароджання біятланістаў. Інтэрвал руху на маршруце нумар 449БЭ складзе 20 мінут.

Кошт праезду ад прыпыначнага пункта "ст.м. Барысаўскі тракт" да прыпыначнага пункта "Раўбічы" складзе Br14,2 тыс.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі