Падзеі, факты, анонсы

Каляндар падзей у Беларусі: сакавік 2019

Парк чароўных ліхтароў

Выстаўка светлавых інсталяцый працуе штодзень у вячэрні час: тут госці могуць убачыць чароўнае шоу агнёў. Больш за 30 кампазіцый, сярод якіх дынамічны тунэль, 10-метровы "вадаспад", "Эйфелева вежа", "вулкан", ствараюць утульную атмасферу казачна-калядных вечароў. Прадоўжыць вячэрнюю прагулку можна ў люстраным лабірынце.

Калі: 1 студзеня – 31 сакавіка
Дзе: Мінск, парк "Дрымлэнд"

VI Міжнародны фестываль фокуснікаў Magic show

Фестываль фокуснікаў, які ўжо заваяваў папулярнасць, збярэ ў горадзе над Нёманам лепшых ілюзіяністаў з Беларусі, Расіі, Украіны, Літвы і Польшчы. Акрамя конкурсных спаборніцтваў, дзе ўдзельнікі прадэманструюць майстэрства ў такіх намінацыях, як ментальная, сцэнічная магія і мікрамагія, гледачоў чакаюць майстар-класы, незвычайныя забавы і гала-шоу, у якім выступіць вядомы маскоўскі ілюзіяніст Вадзім Савянкоў.

Калі: 2–3 сакавіка
Дзе: Гродна, Гродзенскі абласны драматычны тэатр

Масленіца ў Беларусі

З самых старажытных часоў Масленіца звязана з культам сонца: гэты прыгожы і вельмі вясёлы тыдзень азначае праводзіны зімы і сустрэчу вясны. Наведаўшы беларускія этнаграфічныя сядзібы і музеі, можна адчуць атмасферу сонечнага свята. Гасцей чакаюць шумныя гулянні, смачныя ласункі (а самая галоўная страва на стале ў Масленіцу – бліны), вясёлыя песні і танцы, маскарадныя пераапрананні, катанне на санках, народныя гульні і, вядома, спальванне пудзіла зімы!

Калі, дзе:

2 сакавіка – Беларускі дзяржаўны музей народнай архітэктуры і побыту (в. Азярцо)
9 сакавіка – музейны комплекс старадаўніх народных рамёстваў і тэхналогій "Дудуткі"
9 сакавіка – Валожынскі раён, хутар Арлоўшчына, загарадны клуб "Фестывальны"

Выстава "Запрашэнне на баль" ад Аляксандра Васільева ў Мінску

Гісторык моды, тэатральны мастак і мастацтвазнавец, калекцыянер, вядучы праграмы "Модны прыгавор" Аляксандр Васільеў запрашае наведвальнікаў музея акунуцца ў атмасферу балю. У новай экспазіцыі, створанай на аснове асабістай калекцыі маэстра, прадстаўлена звыш 100 эфектных вобразаў, створаных вядучымі сусветнымі куцюр'е і дамамі мод на працягу стагоддзя – з 1915 па 2015 год.

Калі: 3 сакавіка – 30 мая
Дзе: Мінск, Нацыянальны гістарычны музей Беларусі

"Майстар і Маргарыта" на сцэне Палаца Рэспублікі

Спектакль паводле знакамітага булгакаўскага рамана, насычаны музыкай, пантамімай і яркімі візуальнымі пераўвасабленнямі, у версіі Сяргея Алдоніна (дарэчы, сам рэжысёр іграе ў пастаноўцы Воланда) крытыкі называюць "самым містычным спектаклем сучаснасці". 3 сакавіка Палац Рэспублікі запрашае даведацца, ці так гэта, апынуцца на Патрыяршых, у пакоях Понція Пілата і ў падвальчыку Майстра адначасова, а заадно палюбавацца на Кацярыну Клімаву ў ролі Маргарыты.

Калі: 3 сакавіка
Дзе: Мінск, Палац Рэспублікі

Мірэй Мацье ў Мінску

Французскі шарм, унікальны голас Мірэй Мацье і цудоўная музыка перанясуць гасцей канцэртнай залы на адзін вясенні вечар у Парыж – горад чароўнай атмасферы рамантыкі і кахання.

Калі: 4 сакавіка
Дзе: Мінск, Палац Рэспублікі

Дзіяна Арбеніна і "Начныя снайперы" ў Мінску

"Лепшае за 25 гадоў" прадставіць вядомая група "Начныя снайперы" на чале з нязменным лідарам – паэтам і кампазітарам, ураджэнкай Беларусі Дзіянай Арбенінай. Мінск стане адным з першых прыпынкаў у гастрольным туры, прысвечаным юбілею калектыву. У шоу прагучаць свежыя трэкі і ўжо любімыя песні: "31-я весна", "Лети, моя душа", "Разбуди меня", "Грустные люди"…

Калі: 9 сакавіка
Дзе: Мінск, Палац спорту

"Тайны і загадкі князёў Радзівілаў"

Унікальная магчымасць пабываць у закрытых для турыстаў месцах Нясвіжскага палаца, які належаў вядомым магнатам: квэст "Тайны і загадкі князёў Радзівілаў" праходзіць не ў некалькіх памяшканнях, а ў цэлым палацы! Вы ўбачыце княжацкія пакоі, спусціцеся ў падзямелле, зможаце зазірнуць за зачыненыя дзверы і даведацца пра тайны, якія захоўваюць у сабе сцены Нясвіжскай рэзідэнцыі.

Калі: 9 сакавіка
Дзе: Мінская вобласць, Нацыянальны гісторыка-культурны музей-запаведнік "Нясвіж"

Аляксандр Сяроў у Мінску

Вялікі канцэрт з нагоды Міжнароднага жаночага дня ад народнага артыста Расіі Аляксандра Сярова адбудзецца 10 сакавіка. Уладальнік раскошнага барытону выканае любімыя хіты і новыя кампазіцыі, кожная з якіх – сапраўдны маналог-адкрыццё.

Калі: 10 сакавіка
Дзе: Мінск, Палац Рэспублікі

Сімфанічны аркестр Concord orchestra

Першы ў свеце танцуючы сімфанічны аркестр Concord orchestra 12 сакавіка пакажа сваё новае шоу – "Сімфанічныя рок-хіты". Пад кіраўніцтвам галоўнага дырыжора Fabio Pirola (Італія) музыканты сыграюць знакамітыя кампазіцыі груп Linkin Park, Queen, Scorpions, Metallica, System of a down, Evanescence, Depeche Mode, Deep Purple, Nirvana, Roxette, Aerosmith, Muse, Rammstein... Праграма шоу называецца "Крылы грыфона" – менавіта ў такім абліччы музыканты з'явяцца перад гледачамі. Драйв, аўтарская харэаграфія, танцуючыя музыканты і ніякіх пюпітраў і нот на сцэне!

Калі: 12 сакавіка
Дзе: Мінск, КЗ "Мінск"

V Нацыянальны чайны чэмпіянат

Лепшыя чайныя майстры, бармены, барыста і проста знатакі стануць галоўнымі героямі гасціннай і духмянай падзеі – V Нацыянальнага чайнага чэмпіянату. Тут можна паназіраць за выступленнямі ўдзельнікаў, наведаць чайныя цырымоніі, дэгустацыі і майстар-класы спецыялістаў, даведацца пра альтэрнатыўныя спосабы падачы напітку ў рэстаранах і сакрэты стварэння чайных кактэйляў…

Калі: 12–14 сакавіка
Дзе: Мінск-Арэна, канькабежны стадыён

XXVI Міжнародны медыцынскі форум "Ахова здароўя Беларусі"

Буйнейшы спецыялізаваны форум у Беларусі ўжо чвэрць стагоддзя прыцягвае вядучых урачоў краіны і замежжа, сусветных лідараў у вытворчасці медыцынскай тэхнікі і фармацэўтычнай прадукцыі, ставячы рэкорды па колькасці гасцей. Толькі ў мінулым годзе выстаўку наведалі больш за 10 тысяч спецыялістаў! Мерапрыемствы цяперашняга форуму прысвечаны 100-годдзю нацыянальнай сістэмы аховы здароўя.

Калі: 12–15 сакавіка
Дзе: Мінск, Футбольны манеж

Міжнародны фестываль-конкурс творчасці Millennium у Брэсце

Каля 3 тысяч удзельнікаў з 7 краін – Беларусі, Расіі, Украіны, Малдовы, Іспаніі, Партугаліі і Венесуэлы – прыме фестываль-конкурс Millennium, прысвечаны 1000-годдзю Брэста. Канкурсанты ад 3 гадоў і старэйшыя прадэманструюць свае таленты ў харэаграфіі, вакальным майстэрстве, інструментальнай, тэатральнай і выяўленчай творчасці.

Калі: 14–17 сакавіка
Дзе: Брэст

Сімфа-шоу Prime Orchestra

Сімфа-шоу Prime Orchestra прадставіць праграму "Сусветныя хіты". Аркестр разам з дыджэем, рок-бэндам і некалькімі салістамі здзівяць гледачоў арыгінальным гучаннем – спалучэннем сімфанічнай і электроннай музыкі. Новыя прачытанні сусветных хітоў вядомых выканаўцаў (The Prodigy, Bon Jovi, Elton John, A-Ha, Michael Jackson, Depeche Mode) дзякуючы арыгінальным аранжыроўкам зайграюць па-новаму.

Калі: 15 сакавіка
Дзе: Мінск, КЗ "Мінск"

IV фестываль "Нефільтраванае кіно" ў Мінску

Аматараў арт-хауса і аўтарскага кіно запрашае міжнародны фестываль "Нефільтраванае кіно", які бярэ пачатак ад публічных праглядаў у рамках сталічнага форуму Cinema Perpetuum Mobile. На працягу трох дзён гледачы змогуць наведаць конкурсныя паказы (а ў іх прымаюць удзел стужкі працягласцю не большай за 35 хвілін), творчыя сустрэчы і майстар-класы ад знакамітых фільммейкераў.

Калі: 15–17 сакавіка
Дзе: Мінск

Дзмітрый Калдун у Мінску

Уладальнік чатырох прэмій "Залаты грамафон", "Нацыянальнай музычнай прэміі", "Артыст Года 2018" па версіі RU TV Беларусь, Дзмітрый Калдун выступіць у сталіцы 19 сакавіка. У праграме – "залатыя" хіты спевака і новыя трэкі, такія як "Мой дом" і "Давай сыграем в любовь".

Калі: 19 сакавіка
Дзе: Мінск, КЗ "Мінск"

XIV Міжнародны маладзёжны тэатральны форум "М.@rt.кантакт"

Магілёў сустракае вясну маладзёжным тэатральным фестывалем. У бягучым годзе форум прадставіць аматарам Мельпамены маштабную праграму – 23 спектаклі 23 тэатраў з 10 краін: Расіі, Украіны, Польшчы, Ізраіля і іншых. Спектаклем адкрыцця ў гэтым сезоне стане "Тарцюф" ад Санкт-Пецярбургскага дзяржаўнага тэатра "Майстэрня " (Расія).

Калі: 21–27 сакавіка
Дзе: Магілёў, Магілёўскі абласны драматычны тэатр

Абрад "Гуканне вясны"

Адзін з самых радасных і лірычных абрадаў у беларускім народным календары – "Гуканне вясны" – вядомы яшчэ з язычніцкіх часоў і звязаны з абуджэннем прыроды ад зімовага сну. Яго сімвалам з'яўляюцца першыя вестуны вясны – птушкі. Госці этнаграфічных комплексаў і музеяў змогуць паўдзельнічаць у рэканструкцыі абраду і майстар-класах па танцах і гульнях, а таксама нацешыцца музыкай фальклорных калектываў...

Калі, дзе:

23 сакавіка – музейны комплекс народных рамёстваў і тэхналогій "Дудуткі"
30 сакавіка – Беларускі дзяржаўны музей народнай архітэктуры і побыту (в. Азярцо)

Фестываль азіяцкай культуры і касплея FreeTime-Fest

Фестываль сучаснай маладзёжнай культуры, які аб'яднаў усё лепшае ад анімэ-фестываляў і фантастычных канвентаў, пяты год запар збярэ ў Гомелі паклоннікаў розных напрамкаў, папулярных ва Усходняй Азіі. Яго ўдзельнікі прадставяць касплеі на выбраных персанажаў і сусветных выканаўцаў, пакажуць арыгінальныя сцэнічныя пастаноўкі, прымуць удзел у конкурсах па вакальным і танцавальным майстэрстве.

Калі: 30 сакавіка
Дзе: Гомель

Наталля Арэйра ў Мінску

Вядомая ўругвайская спявачка і актрыса Наталля Арэйра, якая стала любіміцай мільёнаў пасля выхаду на экраны серыяла "Дзікі анёл", вяртаецца ў Мінск у рамках маштабнага Unforgettable tour 2019. У праграме грандыёзнага двухгадзіннага шоу прагучаць як новыя, так і любімыя паклоннікамі кампазіцыі – Cambio dolor, Me Muero De Amor, De Tu Amor, Como Te Olvido…

Калі: 21 сакавіка
Дзе: Мінск, Палац Рэспублікі

Рыгор Лепс у Мінску

"Шчаслівы, як ніхто" Рыгор Лепс, якому падпяваюць паклоннікі з усёй СНД, 22 сакавіка правядзе для сваіх мінскіх паклоннікаў "самы лепшы дзень". Народны артыст, чые песні лідзіруюць у чартах і разыходзяцца на цытаты, прадставіць публіцы новы хіт "Аминь" – пра боль і адзіноту, што настаюць пасля расставання з блізкім чалавекам.

Калі: 22 сакавіка
Дзе: Мінск-Арэна

Паліна Гагарына ў Мінску

У свой дзень нараджэння ўдзельніца "Еўрабачання-2015" – уладальніца моцнага голасу і неверагоднага абаяння Паліна Гагарына – прадставіць у Мінску вясенняе шоу. І абяцае: усё будзе на вышэйшым узроўні – сучасныя дыджытал-дэкарацыі, відовішчныя нумары ў аўтарскай харэаграфічнай пастаноўцы, бездакорны гук, стыльныя касцюмы і, вядома, хіты – "Драмы больше нет", "Обезоружена", "Выше головы"…

Калі: 27 сакавіка
Дзе: Мінск-Арэна

Група "БІ-2" у Беларусі

Шура і Лёва з "Бі-2" любяць эксперыментаваць і здзіўляць новымі праектамі. На гэты раз яны выступяць у суправаджэнні сімфанічнага аркестра пад кіраўніцтвам Фелікса Араноўскага. У праграме вечара прагучаць кампазіцыі з альбома "Гарызонт падзей" і рэдкія трэкі з папярэдніх пласцінак: напрыклад, сінгл "Мой рок-н-ролл" атрымае новае гучанне дзякуючы дуэту з фіналісткай тэлешоу "Голас" Цінай Кузняцовай.

Калі, дзе:

29 сакавіка – Мінск-Арэна
31 сакавіка – Гомель, Лядовы палац

TedxMinsk "Абуджэнне розуму"

Канферэнцыі TEDx, якія заваявалі папулярнасць ва ўсім свеце, з 2009 года праводзяцца ў Мінску. У бягучым годзе слоганам выступленняў спікераў на TedxMinsk стане "Абуджэнне розуму" (Awakening of the Mind). На мерапрыемстве выступяць як беларускія, так і замежныя спікеры, у ліку якіх – прафесар псіхалогіі City University of New York беларуска Настасся Ліпневіч, пастаянны прадстаўнік Сусветнага банка ў Рэспубліцы Беларусь брытанец Алекс Крэмер, расійска-ізраільская пісьменніца, тэарэтык моды Лінор Гаралік.

Калі: 30 сакавіка
Дзе: Мінск, тэатр імя Янкі Купалы

ІНАКШ. Паўмарафон з раставаючай дыстанцыяй і дзіцячы забег

Інклюзіўны паўмарафон, арганізаваны дабрачыннай арганізацыяй "Крылы Анёлаў", пройдзе 31 сакавіка ў Лошыцкім парку. Прабег з раставаючай дыстанцыяй прадугледжвае разварот пасярэдзіне шляху і вяртанне да фінішу па ўжо знаёмай дарозе. Той, хто пераадолее палову дыстанцыі, атрымае сіні плашч лідара і права разварочваць да фінішу іншых удзельнікаў. Дыстанцыя для менш падрыхтаваных бегуноў будзе "раставаць", скарачаючы метраж шляху да фінішу. Для дзяцей прадугледжаны спецыяльныя кароткія забегі, зоны актыўнасці і салодкія прызы.

Калі: 31 сакавіка
Дзе: Мінск, Лошыцкі парк