Падзеі, факты, анонсы

14 снежня, Мінск /Кар. БЕЛТА/. У горадзе Норт Порце (штат Фларыда) адбылася цырымонія адкрыцця ганаровага консульства Беларусі ў штаце Фларыда. Аб гэтым БЕЛТА паведамілі ў прэс-службе МЗС Беларусі.

Ва ўрачыстай абстаноўцы ганароваму консулу Беларусі Майклу Маргулісу быў уручаны консульскі патэнт. Часовы павераны ў справах Беларусі ў ЗША Павел Шыдлоўскі, выступаючы на мерапрыемстве, зрабіў акцэнт на стане і перспектывах развіцця беларуска-амерыканскіх адносін, у тым ліку кантактаў са штатам Фларыда.

Адбыліся прэзентацыя арт-праекта "Зачараванне" беларускай фотамастачкі Ірэны Гудзіеўскай, канцэрт з выкананнем музычных твораў беларускіх кампазітараў, а таксама прыём з дэгустацыяй страў беларускай кухні.