Падзеі, факты, анонсы
Фіналістка конкурсу "Еўрабачанне-2013" Алёна Ланская прыме ўдзел у адкрыцці "Славянскага базару"
22 мая, Віцебск /Алена Ціханава - БЕЛТА/. Фіналістка конкурсу "Еўрабачанне-2013" Алёна Ланская прыме ўдзел ва ўрачыстым адкрыцці ХХІІ Міжнароднага фестывалю мастацтваў "Славянскі базар у Віцебску". Аб гэтым сёння на прэс-канферэнцыі паведаміў першы намеснік міністра культуры Беларусі Уладзімір Карачэўскі, перадае карэспандэнт БЕЛТА.
Уладальніца Гран-пры ХХ Міжнароднага конкурсу выканаўцаў эстраднай песні "Віцебск-2011" выйдзе на сцэну Летняга амфітэатра разам з такімі зоркамі эстрады, як Эдзіта П'еха, Крысціна Арбакайтэ, Алена Ваенга, Дзіма Білан (Расія), Анатоль Ярмоленка, Іна Афанасьева (Беларусь), Ціна Караль (Украіна), Роза Рымбаева (Казахстан),
Al Bano/Аль Бана, In-Grid/Ін-Грыд (Італія), "GIPSY KINGS"/"Джыпсі Кінгс" (Францыя)."Адкрыццё фестывалю пройдзе ў новым фармаце. Канцэрт будзе складацца з дзвюх частак. Першая прысвечана 25-годдзю Летняга амфітэатра, другая - своеасаблівае прывітанне віцебскаму форуму мастацтваў ад фестываляў іншых гарадоў. Акрамя гэтага, упершыню ў канцэрце пройдзе прэзентацыя конкурснай праграмы дарослага і дзіцячага конкурсаў", - расказаў Уладзімір Карачэўскі.
Весці ўрачыстую цырымонію будуць тры пары вядучых: Алена Спірыдовіч і Георгій Калдун (Беларусь), Марына Дзявятава і Уладзімір Бярэзін (Расія), Аксана Антанюк і Цімур Мірашнічэнка (Украіна).
Урачыстая цырымонія адкрыцця Міжнароднага фестывалю мастацтваў - адно з самых рэйтынгавых і дарагіх канцэртных мерапрыемстваў фестывалю. У гэтым годзе цана білетаў вагаецца ад Br980 тыс. у 2-м і 3-м сектарах амфітэатра да Br450 тыс.- у 8-м сектары.
Рэалізацыя білетаў на мерапрыемствы ХХІІ Міжнароднага фестывалю мастацтваў "Славянскі базар у Віцебску" пачнецца з 27 мая.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
