Падзеі, факты, анонсы
Беларуска Вольга Гаварцова стала пераможцай тэніснага турніру ў Швейцарыі
22 лютага, Мінск /Кар. БЕЛТА/. Беларуская тэнісістка Вольга Гаварцова стала пераможцай турніру ў Швейцарыі (прызавы фонд - $50 тыс.), паведамляе карэспандэнт БЕЛТА.
22 лютага ў вырашальным паядынку адзіночнага разраду Вольга Гаварцова, якая займае цяпер 170-е месца ў сусветным рэйтынгу, упэўнена перайграла славацкую тэнісістку Рэбэку Шрамкаву (435-ы нумар рэйтынгу ВТА) - 6:2, 6:1. Да фіналу Вольга Гаварцова на гэтых спаборніцтвах па чарзе перамагла немку Лаўру Зігемунд, швейцарак Тэсу Зугнаўкс і Раміну Апрандзі, а таксама чэшскую тэнісістку Крысціну Плішкаву.
Лепшая беларуская тэнісістка Вікторыя Азаранка, якая займае цяпер 50-е месца ў рэйтынгу ВТА, прыме старт на прэстыжным турніры катэгорыі "Прэм'ер" у Досе (прызавы фонд - $731 тыс.). У першым матчы ў сталіцы Катара Азаранка згуляе з нямецкай тэнісісткай Ангелікай Кербер (12). Раней яны тройчы гулялі паміж сабой на турнірах, і ва ўсіх паядынках перамога была на баку Вікторыі Азаранка.
версія для друку
зрабіць стартавай
дабавіць у выбранае