У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

13 Ліс 2015

Арганны дуэт і арган з камерным аркестрам прагучаць на фестывалі "Званы Сафіі"

13 лістапада, Віцебск /Алёна Ціханава - БЕЛТА/. Арган у чатыры рукі і арган у спалучэнні з камерным аркестрам прагучаць 15 лістапада на ХХ Міжнародным фестывалі арганнай музыкі "Званы Сафіі" ў Полацку, паведамілі БЕЛТА ў Нацыянальным Полацкім гісторыка-культурным музеі-запаведніку.

У складзе арганнага дуэта Юлія Садыкава (Швейцарыя) і Ксенія Пагарэлая (Беларусь). Акрамя таго, полацкі арган у нядзельным канцэрце будзе гучаць у спалучэнні з камерным аркестрам "Еўропа-Цэнтр" пад кіраўніцтвам Раіля Садыкава. У праграме творы вялікіх майстроў эпохі барока і рамантызму. Пачатак канцэрта ў 15.00.

Музычнае свята "Званы Сафіі", прысвечанае 30-годдзю полацкага аргана, стартавала 18 кастрычніка і прадоўжыцца да 22 лістапада. У афішы яшчэ некалькі канцэртаў. Так, 18 лістапада адбудзецца выступленне народнага артыста Беларусі Ігара Алоўнікава з Дзяржаўным камерным хорам (дырыжор - заслужаная артыстка Беларусі Наталля Міхайлава). Чакаецца прыезд у Полацк італьянскага арганіста Эўджэніа Марыя Фаджыяні, канцэрт якога запланаваны на 21 лістапада. Завершыць форум 22 лістапада расійскі дуэт - Яўген і Ксенія Аўраменкі, якія выканаюць музыку Баха.

Канцэртная зала Сафіскага сабора - адна з лепшых залаў Еўропы. Упершыню тут пачала гучаць музыка 19 лютага 1983 года. У 1985-м спецыялісты чэшскай фірмы Riеger Kloss устанавілі арган, зроблены па індывідуальным праекце, які стаў неад'емнай часткай інтэр'ера Сафійскага сабора і прыцягнуў увагу прафесіяналаў і шматлікіх аматараў музыкі.

I Міжнародны фестываль арганнай музыкі "Званы Сафіі" адкрыўся ў Полацку 15 лістапада 1996 года. За ўсю гісторыю праекта на гэтым фестывалі выступілі музыканты больш як з 20 краін, адбылося больш за 120 фестывальных канцэртаў, на якіх пабывалі больш за 20 тыс. аматараў арганнай музыкі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс