Падзеі, факты, анонсы
Амаль 25 тыс. іншаземцаў штогод атрымліваюць беларускія турыстычныя візы
10 лістапада, Брэст /Святлана Вячорка - БЕЛТА/.
Амаль 25 тыс. іншаземцаў штогод атрымліваюць беларускія турыстычныя візы. Аб гэтым паведаміў сёння на семінары ў Брэсце намеснік начальніка галоўнага консульскага ўпраўлення - начальнік упраўлення аналізу, планавання, візавай і тарыфнай палітыкі Міністэрства замежных спраў Аляксандр Ганевіч, перадае карэспандэнт БЕЛТА."Нараўне з аблягчэннем працэдуры атрымання беларускіх віз МЗС у 2015-2016 гадах настойліва прапрацоўвае магчымасць далейшага спрашчэння рэжыму ўезду замежных грамадзян. Так, у вельмі высокай ступені гатоўнасці знаходзіцца праект указа аб пяцідзённым наведванні Беларусі без візы для грамадзян 80 дзяржаў у выпадку іх прылёту ў Нацыянальны аэрапорт Мінск", - паведаміў Аляксандр Ганевіч.
Ён удакладніў, што ў спісе знаходзяцца дзяржавы, добранадзейныя ў міграцыйных адносінах.
Цяпер бязвізавы ўезд у Беларусь прадугледжаны для грамадзян Азербайджана, Арменіі, Венесуэлы, Грузіі, Ізраіля, Казахстана, Кубы, Кыргызстана, Малдовы, Македоніі, Манголіі, Расіі, Сербіі, Таджыкістана, Узбекістана, Турцыі, Украіны, Чарнагорыі. Акрамя таго, элементы бязвізавага рэжыму ўезду для іншаземцаў устаноўлены на тэрыторыі нацыянальнага парку "Белавежская пушча" і на Аўгустоўскім канале.
У Брэсце 10-11 лістапада праходзіць 47-е пасяджэнне пастаянна дзеючага семінара пры Парламенцкім сходзе Беларусі і Расіі па пытаннях будаўніцтва Саюзнай дзяржавы, прысвечанае ўзаемадзеянню дзвюх краін у сферы турызму.
версія для друку
зрабіць стартавай
дабавіць у выбранае