Шэсць дакументаў аб супрацоўніцтве абласцей Беларусі і Украіны падпісаны на Форуме рэгіёнаў

Шэсць дакументаў аб супрацоўніцтве абласцей Беларусі і Украіны падпісаны сёння на пленарнай частцы I Форуму рэгіёнаў Беларусі і Украіны ў Гомелі.

Так, Брэсцкі аблвыканкам заключыў дагавор аб міжрэгіянальным супрацоўніцтве з Ровенскай абласной дзяржаўнай адміністрацыяй і пагадненне аб гандлёва-эканамічным, навукова-тэхнічным і культурным супрацоўніцтве з Запарожскай абласной дзяржаўнай адміністрацыяй. Таксама з Запарожскай вобласцю будзе супрацоўнічаць і Магілёўскі аблвыканкам.

Два дакументы з украінскімі рэгіёнамі падпісаў Мінскі аблвыканкам: пагадненне з Запарожскай аблдзяржадміністрацыяй і мемарандум з Кіеўскай аблдзяржадміністрацыяй. Кіраўнікі Гомеля і Дняпра паставілі подпісы пад пагадненнем аб дружбе і супрацоўніцтве.