"Ноч музеяў" 2016 года ў Нацыянальным мастацкім музеі Беларусі прайшла 21 мая пад дэвізам "Музей учора плюс музей заўтра". Наведвальнікам прапанавалі зрабіць падарожжа ў часе і перанесціся ў музей будучага. Гэта тэма для галоўнай галерэі краіны цяпер асабліва актуальна, бо зусім хутка завершыцца рэканструкцыя музейнага квартала, і свае дзверы расчыняць новыя выставачныя залы.