92-гадовы ветэран Васіль Гардзеенка піша партрэт маршала Жукава

Пасля заканчэння сярэдняй школы Васіль Гардзеенка з Хойніцкага раёна збіраўся паступаць у Пінскі мастацкі тэхнікум, але перашкодзіла Вялікая Айчынная вайна. Сямнаццацігадовы юнак у чэрвені 1941-га рваўся на фронт, але, атрымаўшы адмову, трапіў у партызанскі атрад у Калінкавіцкім раёне. Быў разведчыкам і падрыўніком, а калі пачалося вызваленне Гомельскай вобласці, быў прызваны ў Чырвоную Армію. Байцом кулямётнага разліку ён вызваляў Варшаву, а затым ад Віслы дайшоў да Эльбы, прымаў удзел ва ўзяцці Берліна.