Парламенцкія выбары ў Беларусі
Колькасць міжнародных наглядальнікаў на парламенцкіх выбарах у Беларусі вырасла да 825
8 верасня, Мінск /Кар. БЕЛТА/. ЦВК акрэдытавала 825 міжнародных наглядальнікаў для маніторынгу выбараў у Палату прадстаўнікоў Нацыянальнага сходу шостага склікання. Такая інфармацыя размешчана на сайце Цэнтрвыбаркама, паведамляе БЕЛТА.
Больш за ўсё наглядальнікаў акрэдытавана ад БДІПЧ АБСЕ і ад СНД - 341 і 333 прадстаўнікі адпаведна. Ад ПАСЕ акрэдытавана 19 наглядальнікаў, ад ПА АБСЕ - 39, ад Шанхайскай арганізацыі супрацоўніцтва (ШАС) - 9 чалавек.
Назіраць за парламенцкімі выбарамі будуць 65 дыпламатаў, 3 прадстаўнікі Сусветнай асацыяцыі арганізатараў выбараў (A-WEB), 15 экспертаў ад выбарчых органаў замежных дзяржаў. ЦВК акрэдытавала таксама 1 незалежнага міжнароднага наглядальніка.
Сёння старшыня ЦВК Лідзія Ярмошына сустрэлася з наглядальнікамі ад ШАС. Намеснік генеральнага сакратара Шанхайскай арганізацыі супрацоўніцтва Ван Кайвэн і іншыя члены наглядальнай місіі былі праінфармаваны аб галоўных падзеях бягучай выбарчай кампаніі і атрымалі адказы на зададзеныя пытанні. Падрыхтоўка і правядзенне выбараў у Палату прадстаўнікоў абмяркоўваліся таксама на сустрэчы Лідзіі Ярмошынай з наглядальнікамі ад Нацыянальнай выбарчай камісіі Рэспублікі Карэя і A-WEB.
версія для друку
зрабіць стартавай
дабавіць у выбранае