70-годдзе Вялікай Перамогі
Музеі Вялікай Айчыннай вайны Беларусі і Расіі прадставяць у Маскве сумесную выстаўку
22 красавіка, Масква /Эдуард Півавар - БЕЛТА/. Музеі Вялікай Айчыннай вайны Беларусі і Расіі прадставяць у Маскве сумесную выстаўку да 70-годдзя Перамогі. Экспазіцыя "У барацьбе супраць нацызму мы былі разам" адкрыецца 28 красавіка на Паклоннай гары, паведамілі БЕЛТА ў Пастаянным камітэце Саюзнай дзяржавы.
Выстаўка наглядна адлюструе асноўныя этапы Вялікай Айчыннай вайны. Пры гэтым многія экспанаты з фондаў музеяў Беларусі і Расіі будуць прадстаўлены ўпершыню. Сярод іх - жывапісныя палотны, творы графікі, скульптуры, дэкаратыўна-прыкладнога мастацтва, архіўныя дакументы, друкаваная прадукцыя (плакаты, газеты, кнігі, брашуры), а таксама асабістыя франтавыя рэчы байцоў: абмундзіраванне, узнагароды, баявая зброя.
"Выстаўка прызначана прадставіць падзеі тых гадоў на аснове аўтэнтычных экспанатаў і сведчанняў, што дэманструюць непарушную дружбу і патрыятызм нашых народаў, якія заваявалі ў суровыя гады вайны на палях бітваў і на працоўным фронце агульную перамогу", - адзначылі ў Пастаянным камітэце.
версія для друку
зрабіць стартавай
дабавіць у выбранае