70-годдзе Вялікай Перамогі
Мясніковіч: Захаванне памяці аб Вялікай Перамозе з'яўляецца прыярытэтнай задачай беларускай дзяржавы
17 красавіка, Санкт-Пецярбург /Кар. БЕЛТА/. Захаванне памяці аб Вялікай Перамозе з'яўляецца прыярытэтнай задачай беларускай дзяржавы. Аб гэтым заявіў сёння старшыня Савета Рэспублікі Нацыянальнага сходу Беларусі Міхаіл Мясніковіч у час урачыстага пленарнага пасяджэння Міжпарламенцкай асамблеі дзяржаў - удзельніц СНД, прысвечанага 70-годдзю Перамогі ў Вялікай Айчыннай вайне, перадае карэспандэнт БЕЛТА.
"Сёння прыярытэтнай задачай беларускай дзяржавы з'яўляецца захаванне памяці аб Вялікай Перамозе і клопат аб 17,8 тыс. ветэранаў вайны", - сказаў Міхаіл Мясніковіч.
Старшыня Савета Рэспублікі адзначыў, што ў апошнія гады асобныя гісторыкі імкнуцца перагледзець вынікі вайны, прынізіць уклад народаў СНД у разгром фашызму. "Беларусь, як найбольш пацярпелая ў гэтай вайне дзяржава, катэгарычна асуджае спробы перапісаць нашу агульную гісторыю. Мы не павінны дапусціць глумлення з светлай памяці, народнага гора, наступствы якога адчувальныя да гэтага часу", - падкрэсліў ён.
Паводле слоў Міхаіла Мясніковіча, украінскі канфлікт прымушае па-іншаму паглядзець на сітуацыю і зрабіць вывады. "Нам трэба прааналізаваць, ці ўсё робіцца ў СНД для захавання міру, стабільнасці і спакою", - упэўнены парламентарый.
Сёння ў час урачыстага пасяджэння МПА СНД адбыліся выступленні кіраўнікоў нацыянальных парламентаў дзяржаў, а таксама ўзнагароджанне ветэранаў СНД юбілейным медалём "70 гадоў Перамогі ў Вялікай Айчыннай вайне 1941-1945 гадоў".
версія для друку
зрабіць стартавай
дабавіць у выбранае