У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | II Еўрапейскія гульні ў Беларусі

II Еўрапейскія гульні ў Беларусі

1 Врс 2017

Шорац: Мінск знаходзіцца ў высокай ступені гатоўнасці да правядзення Еўрагульняў-2019

Шорац: Мінск знаходзіцца ў высокай ступені гатоўнасці да правядзення Еўрагульняў-2019

1 верасня, Мінск /Кар. БЕЛТА/. Мінск знаходзіцца ў высокай ступені гатоўнасці да правядзення II Еўрапейскіх гульняў. Аб гэтым заявіў сёння журналістам старшыня Мінгарвыканкама Андрэй Шорац пасля падпісання кантракта з Еўрапейскімі алімпійскімі камітэтамі (ЕАК) на правядзенне вялікага спартыўнага форуму 2019 года ў сталіцы Беларусі, перадае карэспандэнт БЕЛТА.

"Відавочна, мы адкрываем новую старонку ў гісторыі беларускага спорту. У Мінску створана спартыўная інфраструктура, якая дае магчымасць праводзіць спаборніцтвы самага высокага ўзроўню. З вялікіх аб'ектаў да 2019 года неабходна завяршыць рэканструкцыю мінскага стадыёна "Дынама", які будзе ўведзены ў строй да сярэдзіны 2018 года. Да 8 Сакавіка плануем адкрыць палац па мастацкай гімнастыцы. Ніякіх сур'ёзных праблем пры ўводзе гэтых аб'ектаў быць не павінна. Актыўна працуюць падкамітэты Еўрагульняў па кожным напрамку стварэння інфраструктуры. Мы ўжо цяпер маем добрае ўяўленне, як і дзе будуць харчавацца спартсмены, госці і балельшчыкі, дзе будуць размяшчацца зоны гасціннасці, якія плануем абсталяваць каля кожнай арэны, як будуць ажыццяўляцца транспартныя зносіны, бяспека гасцей і ўдзельнікаў - над гэтымі пытаннямі працуем, і яны не ўяўляюць вялікай складанасці. Упэўнены, што Мінск дастойна правядзе Еўрагульні ў 2019 годзе", - сказаў Андрэй Шорац.

Старшыня Мінгарвыканкама адзначыў, што беларуская сталіца скарыстаецца вопытам і іншых краін пры правядзенні такога вялікага спартыўнага мерапрыемства. "Мы неаднаразова выязджалі ў Баку, дзе адбыліся I Еўрапейскія гульні ў 2015 годзе, нядаўна былі на чэмпіянаце свету па лёгкай атлетыцы ў Лондане. Вывучаем нюансы, унікаем, каб у Мінску арганізаваць усё па сусветных стандартах", - падкрэсліў ён.

У праграму Еўрагульняў, якія пройдуць з 21 па 30 чэрвеня 2019 года, увайшлі 15 відаў спорту: бадмінтон, баскетбол 3х3, бокс, барацьба (грэка-рымская, вольная, жаночая), веласіпедны спорт (трэк і шаша), гімнастыка (спартыўная, мастацкая, акрабатыка, аэробіка і скачкі на батуце), веславанне на байдарках і каноэ, дзюдо, каратэ, лёгкая атлетыка, самба, стральба з лука, стральба (кулявая і стэндавая), настольны тэніс, футбол пляжны. Атлеты разыграюць 189 камплектаў узнагарод у 23 спартыўных дысцыплінах.

Спаборніцтвы адбудуцца на самых сучасных і вялікіх спартыўных комплексах - "Мінск-Арэне", стадыёне "Дынама", "Чыжоўка-Арэне", у Палацы спорту і іншых.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс